Atisanik takutitsinerup iluatsinngitsup kingorna nutaamik aaqqissuussisoqassaaq

Tivolimi atisanik nutaalianik takutitsinermik aaqqissuussisut neriupput marlunngornermi takutitsinertik iluatsinngitsup kingorna pingasunngornermi iluatsitsinerussallutik

Soorlu assimi takuneqarsinnaasoq Great Greenlandip aamma Isaksen Designip atisanik nutaalianik marlunngornermi Tivolimi takutitsineranni ilaatigut atisanik takutitsisut isikkamikkut atugaat takuneqarsinnaanngillat. Assi: Arktis Media - Isornartorsiorneqarnerput tusarparput Tivolimi aqutsisut oqaloqatigalutigit maannakkut atisanik takutitsinerput nutarterlugu takuteqqissavarput, Rita Isaksen Isaksen Designimit oqarpoq. Assi: Arktis Media Marlunngornermi atisanik nutaalianik takutitsinermit assi. Assi: Arktis Media Marlunngornermi atisanik nutaalianik takutitsinermit. Assi: Arktis Media Marlunngornermi atisanik nutaalianik takutitsinermit. Assi: Arktis Media Marlunngornermi atisanik nutaalianik takutitsinermit. Assi: Arktis Media

Sermitsiaq.AG-p 'Grønland i Tivoli' aaqqissuunneqarneranut atatillugu atisanik takutitsinermik naliliinerata kingorna Kalaallit Nunaata atisanik nutaalianik saqqummiisartui unnummut atisanik takutitsineq alla misileqqissavaa.

- Isornartorsiorneqarnerput tusaatissatut tigullugu Tivolimi pisortat assut oqaloqatigisaqattaarpagut maannakkullu takutitsinerput nutarterlugu allamik takutitseqqissaagut, Rita Isaksen Isaksen Designimeersoq Sermitsiaq.AG-mut oqaluttuarpoq.

- Neriuutigaarput tamatumuuna Tivolip nipilersuut aqussinnaassagaa, aap ilumoorpoq uggornartorujussuummat atisanik takutitsisut isikkamikkut atugaat takusinnaannginnatsigit, taamaattumik "iluliarsuit" takutitsisussat tunuannut inaalippagut taamaasilluni isiginnaartut isikkatigut atukkat takusinnaalissavaat atisallu nutaaliat tamakkiisumik qimerloorsinnaassallugit, Rita Isaksen nassuiaavoq.

Amernik kavaajaliat kingulliit Great Greenlandimeersut aamma atisat nutaaliat Isaksen Designimeersut Nauja Lynge Lyngesenimit saqqummiunneqassapput. Tamanna Pantomimeteaterimi nal. 19 aallartissaaq.

Powered by Labrador CMS