Skip to main content

SIK: Kukkuneq annertooq

- Soraarsitat suliffissaaleqinermi ikiorsiissutinik tuniumaneqanngillat. Tamanna kukkuneruvoq annertooq, SIK-p siulittaasua Jess G. Berthelsen oqarpoq

Sulinermik inuussutissarsiuteqartut kattuffiannut ilaasortat sineriak tamakkerlugu soraarsitaasimasut ilarpassuisa suliffeqanngikkallarnermi ikiorsiissutit pillugit Inatsisartut peqqussutaat nr. 5 1. juni 2006-imeersoq aallaavigalugu ikiorsiissutinik tuniumaneqannginnerat naammaginngilluinnarini SIK-p siulittaasuata Jess G. Berthelsenip Naalakkersuisunut Kanukokamullu allakkani ammasuni isertuutinngilluinnarpaa.

Jess G. Berthelsen allappoq:

Kommunerujussuit itigartitsinerminnut ilaatigut tunngavilersuutigaat Suliffeqarnermut Naalakkersuisoqarfimmit pikkorissaasoqarsimammat oqariartuuteqartumik fabrikkini sulisut kisimik suliffissaarukkallarnerup nalaani tunineqarsinnaasut. Taamatullu pikkorissaasup oqariartuuteqarnermini tunngavilersuutigaa kapital 1-imi §2, imm. 4 imatut ilaatigut oqariartortoq: "Tunisassiorfinni unitsitsineq tunisassiornermik unitsitsinertut paasineqassaaq, pissutigalugu tunisassiassanik amigaateqarneq...".

Læs også "Jess G. efterlyser menneskelig tone"

SIK isumaqarpoq tamanna kukkunerusoq annertooq. Tassami suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq imatut oqariartuuteqarpoq kapitali 1-imi § 1: "Suiffeqanngikkallarnermi ikiorsiissuteqartarnikkut siunertarineqarpoq angerlartinneqartutut aamma suliffissaaleqiffiusutut nalunaarsorneqarsimasut suliffeqarnermut attuumassuteqartut kiisalu napparsimasut namminneq pisuussutiginagu suliffissaaleqinerminni, angerlartinneqarsimanerminni napparsimalernerminnilunniit sulinermikkut isertitassaraluaminnik annaasaqaataannik aningaasatigut taartisiassaqartissinnaanissaat qulakkiissallugu."

Isumaqarpunga eqqarsarnartuusoq Namminersorlutik Oqartussaniit pikkorissaasup oqariartornera aallaavigiinnarlugu taamatut periaatsimik unioqqutitsilluni allanngortitsisoqarnera tassami tunisassiorfiit aalisakkeriviit immikkut taaneqarnerannut tunngaviunerpaajuvoq qanga soorlu Royal Greenlandip aalisakkeriviini raajaleriffinni tunisassiorunnaarneq peqqutigalugu angerlartitaagallartut suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq aallaavigalugu tunineqarsinnaaneq ajormata soraarsitaasimanngikkunik.

Aaqqiissutissamik ujartuisoq
2006-imi ilaatigut SIK-mit kissaateqarneq aallaavigalugu soraarsitaanngikkaluarlutik suliassaarunneq peqqutigalugu angerlartitaasartut periarfissaqalerput suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq aallaavigalugu angerlartitaanerup nalaani soraarsitaanngikkaluarlutik suliffeqanngikkallarnermi ikiorsiissutinik tunineqarnissaminnut.

SIK-p kissaatigaa naalakkersuisut aaqqiissuteqarnissaat, tassami Inatsisartut suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq allanngortinnikuunngilaat, taamaattumik maannakkut suleriaasiulersimasoq peqqussummik unioqqutitsineruvoq. Tamannalu aallaavigalugu maannakkut ilaasortarpassuavut sinerissami ajornartorsiortinneqarput. Naalakkersuisullu aammalu KANUKOKA inussiarnersumik inappavut sukkanerpaamik aaqqiissuteqaqqullugit", SIK-p siulittaasua Jess G. Berthelsen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER