Skip to main content

Immikkut ilisimasallit: Atoqatigiinneq naammassisaqarsinnaanermut akornutaanngilaq

OL-eqarnerani OL-imut peqataasut atoqatigiinnaveersaarnissaannut pissutissaqannginnera misissuinernit arlalinnit takutinneqarpoq

Timersornikkut pisussat sioqqullugit atoqatigiinnerup isumassarsiatsialaannginnera ukiorpassuarni timersortartut akornanni tusatsiagaasarpoq.

Kingullertigut Australiamiut OL-eqataajartortut qulequttani sammineqalerput aappariit igeriallaqqinneqqusaattartut OL-imullu peqataasussat unammiuaarnerit nalaanni sineqatigiinnissaat inerteqqutigineqarmat.

Sinittarfimmili suliarineqartut timersortartut unammisarfimmi naammassisinnaasaannut akornutaasarnerannut uppernarsaatissaqannginnera misissuinernit arlalinnit takutinneqarpoq.

- Naammassisinnaasanut ajorseriaataasarnerannik oqarniartartut nalinginnaasumik oqartarput, tamanna pingaartitsinerup sukataanerulluunniit annikillinerannik pissuteqartartoq. Misissuinernili tamanna uppernarsarneqarsinnaasimanngilat, Ian Shrier oqarpoq.

Taanna Canadami McGill Universitymi ilaqutariinnut nakorsaatinut tunngasunut immikkoortortaqarfimmi professoriuvoq ilisimatooqatiminillu arlalinnit taperserneqarluni.

Timersorluni unamminissaq sioqqullugu marloorujoornerup timersortartut pisinnaasaanut sunniuteqartannginnera ilisimatuussutsikkut misissuinernit arlalinnit takutinneqarpoq.

Misissuinerit ilaanni angutit timersortartut nuliallit 14-it atoqatigiinnerup kingorna assammik nukittussusaannik ullaakkut misissuiffigineqarput atoqatigiinnerullu kingorna minnerpaamik ullut arfinillit qaangiunneranni misissuiffigineqaqqillutik.

Nukinni nukittussutsip qasusuissutsilluunniit ajortumik sunnersimaneqannginnerat misissuinerit inernerannit takutinneqarpoq.

Martin Milton, University of Surreyimi eqqarsartaatsikkut katsorsaanermi immikkut ilisimasalik eqqarsartaatsikkullu immikkut ilisimasalittut siunnersorti, isumaqarpoq  qanoq akulikitsigisumik, qanoq sivisutigisumik qanorlu pissusilimmik atoqatigiissimaneq atoqatigiissimanerup sunniutaanut aalajangiisuulluinnartut.

- "Unnuaq naallugu" atoqatigiissimagaanni taava timersortartoq soorunami naammattumik sinissimanavianngilaq naammattumillu qasuersaarsimassanani, suliassaminillu eqqarsaatiginnissimassanani, oqarpoq.

- Taamaattumik pineqartoq tamannaanerugunarpoq sivikitsumik atoqatigiissimanerup naammassisaqarsinnaassutsimut qanoq sunniuteqarsimanera eqqarsaatigivallaarnagu, nangippoq.

Londonimi OL-eqarnerani timersortartunut unammiuaaqataasunut 10.500-nut usuup-puuinik 150.000-inik agguaassisoqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER