Tunumi saarngit ukiunik 210 millioninik pisoqaassusillit nassaarineqarput
Aatsaat perngaamik Kalaallit Nunaanni ilisimatusartut uumasumit kiisortumit kuukkooriarsuangasup saarnginik nassaarput
Geocenter Møns Klintimi ilisimatusartut Kalaallit Nunaata Tunuani uissuuminartorujussuarmik nassaarsimapput.
Taakkua phytosaurus-ip saarnginik nassaarsimapput uumasoq kuukkooriarsuarmut kiisortumut assingusoq ukiut 210 millionit matuma siorna uumasuusimasoq, taamaattut saarngi siornatigut Kalaallit Nunaanni takuneqarsimanngillat.
Phytosaurusi miluumasoq meterinik tallimanik takissuseqassangatinneqartoq dinosaurinik mikinernik nerisaqarsimavoq.
Nassaat Jameson Landimi Illoqqortoormiut avannaaniittumi naammattoorneqarput, professor Octavio Mateus, Portugalimi Museu da Lorinhã aamma University Novo De Lisboa-mit aallaaveqarpoq.
Ilisimasassarsiortut Kalaallit Nunaanni dinosaurinik ujaasinerat uani aamma uani atuarsinnaavatit.
Saarngit Danmarkimi saqqummersinneqareerpata kingorna Kalaallit Nunaannut utertinneqassapput.