Skip to main content

Russit Issittup Imartaa allamik atserusuppaat

Immap nunatta avannaaniittup Issitup Imartaanik ateqarnani Ruslandip Imartaanik atserneqarnissaa russit isumaliortartoqatigiivinit siunnersuutigineqarpoq. Tamanna "naapertuuppoq" "naleqqullunilu, russit isumaqarput

Kalaallit Nunaata avannaaniittumik imartalerngusaannermi russit uissuumminartumik iliuuseqarput.

Isumaliortartoqatigiit allannguiumanngitsut "immikkut ilisimasallit nalilersueqqissaartarfiannik" nutserneqarsinnaasumik taaguutillit naapertorlugu imartaq Arktiske Havimik - imaluunniit Ishavimik - ateqarunnaarluni Russiske Havimik Ruslandip Imartaanik taaguuteqaleriartariaqarpoq. Isumaliortartoqatigiit pisortaat Nikolai Pavlyuk naapertorlugu imartaq Ruslandimut atsiunneqarpat tamanna "naapertuullunilu" "naleqqutissaaq".

- Imartat imavissuillu nunanut taakkununnga sunniuteqarnerpaanut atsiunneqartarnerat ileqquuvoq, oqarpoq.

Aviisi tuluttooq Moscow Times naapertorlugu Nikolai Palvyukip siunnersuut issittup imartaani piumasaqaatinik arlalissuarnik Ruslandip atuutilersitsiniarneranut attuumassuteqannginnerarpaa.

Ruslandip Imartaa nunanit allanit akuerineqassappat Ruslandip nammineerluni nunat tamalaat akornanni immanut tunngasuni kattuffik IHO nunarsuarmi immat imartallu aqqisa allattorsimaffiannik pisortatigoortumik saqqummersitsisartoq saaffigisariaqarpaa, Berlingske allappoq.

Allattorsimaffik nunarsuaq tamakkerlugu immat assingi paasissutissat assigiissaarneqarnissaannut ilapittuutaasussaavoq.

Russilli namminneq immap assiutiminni Ruslandip Imartaanik taaguummik atuinissaat IHO-p pinngitsoortissinnaanngilaa,  Jes Carstens, Kort-og Matrikelstyrelsenimi immap assinginut immamillu uuttortaanermut immikkoortortaqarfimmi aqutsisoq, oqarpoq.

- IHO-lli inassuteqaatai malinneqartarput, Jes Carstens aqutsisoqarfimmit IHO-mi Danmarkip sinniisuanit oqarpoq.

Arktiske Hav, imaluunniit Ishavet (Issittup Imartaa), Kalaallit Nunaata avannaani imartaavoq sikuusoq 14 millioner kvadratkilometerinik annertussuseqartoq. Qaasuitsup killeqarfiata iluaniippoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER