Pinerloqattaartartoq tigusarineqartoq
Angut 24-nik ukiulik sapaatip-akunnerani ataatsimi nakuusersimasutut marloriarluni nalunaarutigineqareerluni ikiaroornartumillu tigummiaqartutut marloriarluni tigusarineqareerluni tigummigallarneqalerpoq
Annonse
Angut 24-nik ukiulik sapaatip-akunnerani kingullermi inatsisinik unioqqutitsisaqattaartoq Nuummi politiinit tigummigallarneqalerpoq.
Angut sapaatip-akunnerani kingullermi nakuusersimasutut marloriarluni nalunaarutigineqarpoq. Siullermik taxartitsisumut nakuusersimasutut aappassaanillu Nuussuarmi inissiami angummut ukioqatiminut tallimaniit qulit angullugit amerlassusilinnik kiinaatigut tillussimasaminut nakuusersimasutut.
Angut aamma sapaatip-akunnerani marlunni ikiaroornartumik tigummiaqartartutut marloriarluni tigusarineqarpoq, tamannalu tunngavigalugu arfininngornermi inatsisit tunngaviusut malillugit killisiorneqareerluni sapaatip-akunnerini sisamani tigummigallagassanngortitaalluni.