Skip to main content

Nuuk Center ammaraluttualersoq

Tallimanngornermi ammaanersiornissamut Nuuk Center naammassiniarlugu sanasut pisiniarfinnilu sulisut ulappupput

Nunatsinni pisiniarfeqarfiit siullerpaartaata Nuuk Centerip aqagu tallimanngornermi ammarnissaanut naammassiniaallutik sanasut pisiniarfinnilu sulisut ulappupput.

– Pisiniarfeqarfissuup silataani biilit unittarfiata aqquserngillu iseriartortarfiit inissinnissaat amigaataavoq, pisiniarfeqarfiillu iluani pisiniarfiit ataasiakkaat ittujaarsaaleruttorput. Ammaanersiornissaq sioqqullugu suut tamaasa inissinneqarsinnaaqqullugit kikkut tamarmik ilungersorlutik sullipput, centerforeningip siulittaasua Stefan Ittu Hviid, illoqarfimmi pisiniarfeqarfissuarmik pilersitsiniarnermi siuttuusimasut ilaat, erseqqissaavoq.

Centeri nalunaaqutaq 10.00 borgmesterimit Asii Chemnitz Narupimit pisortatigoortumik atoqqaartinneqassaaq, tamatumalu kingorna ulloq naallugu nal. 20.00 tungaanut sammisassaqartitsisoqassalluni.

Maniguuttoq

 

Sanaartugassamik pilersaarut 2005-imi ilusinikkiartuaalerpoq. Ukiut tallimat matuma siorna nivariarneq siulleq pivoq. Sapaatip-akunneranilu matumani centerissaq atorneqalissaaq.

– Taama angusaqartigisimanerput soorunami nuanneqaaq. Kisianni tamatuma pisinnaasimanera aamma maniguussutigaara. Aqqutaani aporfissarpassuaqarsimavoq, ilaatigut attartugassat kingulliit inissinniarneqarneranni. Maannali kvadratmeterit tamarmik attartortussaqalerput. Tamatumanillu pisiniarfeqarfissarsuup qanoq isikkoqalernissaanik inuit takunnissinnaasimanerat pingaaruteqarpoq, siulittaasoq erseqqissaavoq.

 

Nuuk Center katillugit 24-nik attartugassartaqarpoq taakkualu saniatigut ulluinnarsiutinik pisiniarfissuaq Pisiffik, pisiniarfiit immikkuullarissut arlalissuit neriniartarfiillu pingasut aamma tassaniillutik.

– Attartortut eqqortut pissarsiarisimagivut qularutiginngilara, aamma neriniartarfeqarnikkut periarfissat eqqarsaatigalugit. Neriniartarfissuit Baressop aamma Sunset Boulevardip pisiniarfeqarfissuarmi pilersinniarnissaat sulissutigeqqaarsimagaluarparput, pitsaanerusumillu angusaqarluta ilaatigut cafémik Italiamiorpaluttumik, Stefan Ittu Hviid oqarpoq.

Maannamut sanaartukkat annersaat

 

Nuuk Center nunatsinni sanaartukkat maannamut annersaraat ilaatigullu inini quleriinni katillugit 12.000 kvadratmeterinik annertussusilimmik pisiniarfeqarfittaqarluni, taakkunannga 10.500 kvadratmeterit pisiniarfinnut immikkoortitaallutik sinnerilu pisiniarpassuaqartarnissaanut inissaqartitsinissamik qulakkeerinnittuullutik.

Ilaatigut napasuliamik arfineq-pingasunik quleriilimmik allaffeqarfeqarpoq katillugit 7.000 kvadratmeterinik annertussusilimmik, Namminersorlutik Oqartussanit iserterfigineqaleruttortumik. MT Højgaard sanasuuvoq, illussanillu titartaasartut KHR Arkitekter titartaasuullutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER