Skip to main content

Ikuallattoq nal. ak. 37 qamisarlugu aatsaat qamittoq

Nal. 15.56 assinik amerlanernik ilallugu nutartigaq. Angutit 16'it holdinut marlunnut avillutik ulluni marlunni Saqqami ikuallattumik qamiteripput.  

Qaasuitsup Kommuniani sillimanissamik pisortaq Amos Pjettursson, Sermitsiaq.AG-mut oqaluttuarpoq, inuit piareersimasuutitat katillugik 16'it Saqqap eqqaani ikuallannerujussuarmik qamitereqataasimasut.

- Juulip 24-anili ikuallattoqarnera paasivarput ulloq taanna kalerrinneqaqqaarpugut Saqqap kitaani 10 kilometerinik ungasissusilimmi ikuallattoqartoq. Nal. 18.45 missaani kalerrinneqarluta. Aqaguani timmisartumik innerup siaruarsimanissaa alakkarterparput. Ulloq taanna ualikkut nalunaarfigineqarpugut inneq qamikkiartulersoq. Anorilli sanguneratigut inneq nutaamik ikummaqqippoq, juulip 25-anni unnukkut pujuliorujussualerluni taamaalimmallu qamiterisoqarnissaa aalajangiunneqarpoq, Amos Pjettursson oqarpoq. 

Taamaattumik Amos Pjettursson aalajangerpoq inneq qamisarneqassasoq. Pumpit sisamat slangillu 1,5 kilometerisut takissusillit ikuallattumut timmisartuunneqarput. Tamanna juulip 25-anni nal. 23 miss. ingerlanneqarpoq.

Aatsaat tallimanngorneq juulip 27-at nalunaarutigineqarpoq qamiterineq iluatsilluartoq. 

- Qamiterinissarput aalajangiupparput annilaanngatigigatsigut inneq Nuussuup eqqaani qooqqunut siaruarnissaa aamma pujuliorneq ingasappallaaqimmat. Pujoq Saqqamit takuneqarsinnaavoq. Nuna ikuallattoq 2 kilometerinik takissuseqarpoq kilometerip aappaa avillugu silissuseqarluni, taamaattumik annertuvoq, Amos Pjettursson oqarpoq, taassuma aamma oqaluttuara imeq 925.000 literi atorneqarsimasoq.

 

 

 

 

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER