Skip to main content

Naalakkersuisoq qilerusigaq

Naalakkersuisunut ilaasortaq Anthon Frederiksen Savalimmiut allatut takulaarpaa. Innasiortartutut

Nunamut namminermut, pinngortitamut avatangiisinullu naalakkersuisup Anthon Frederiksenip Savalimmiunut Pisortatigoortumik tikeraarnerminut atatillugu savalimmiormiut qangarsuarniilli mannissarniarnerminni imaluunniit savanik innassimasunik annaassiniarnerminni atortagaat naalakkersuisup misilikkallarujaa. Tassaavoq Síga imaluunniit ullutsinnut naleqqussarlugu: Rapelling (innasiorneq).

Tamanna qeqertami Suðuroy, taanna Savalimmiut kujaterpiaani inissisimavoq, nunaqarfimmi Hvalba-mi tikeraartilluni qaqqamit ninginneqarsinnaanera neqeroorutaammat. Savalimmiormiu ministereqatini ammut aqqartoq takoriaramiuk Anthon Frederiksenip 40 meterinik ammut qaqqaq sinerlugu ningitsinneqarpoq. Taamak misilitaqarnini nuannarisimasorujussuuaa.

Ministerit allat marluk sumiiffimmiinnerisa nalaanni Síging-eqarnerup nalaani skoleskibet Danmark avataatigoorpoq. Suðuroy pisuttuarfigineqarpoq arfininngornermilu Thorshavn orninneqaqqissaaq sapaatip akunnerata naanerani savalimmiormiut inuiattut ullorsiornissaat najuuffigineqassalluni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER