Inuusuttuaqqat Qaqortumi biilinik aallarussuipput
Qaqortumi politiit biilinik aallarussisartut amerliartornerat ajornartorsiutigaa. Unnuaq ajutoortoqarsimasinnaagaluarpoq
Annonce
Unnuaq angut Qaqortumi biilinik aallarussamini angalaartoq ulorianartorsiortitsileraluarpoq. Politiit biilinut anngummata angut qimaavoq.
Tamassuma kingorna politiit innuttaasut kaammattorpaat inuit biiliminnik parnaasisaqqullugit soorlu aquummik parnaarsaammik atuilernikkut.
- Unnuat kingulliit biilinik aallarussinerit amerliartorput maannamulli paasiniaanerigaluit nikeriarfiugati, Qaqortumi politiinit Oluf Biilmann oqaluttuarpoq.
Taamaakkaluartoq Sermitsiaq.AG'mut oqaluttuarpoq politiit filmiliuuttaanit takuneqarsinnaasoq angutit inuusuttuaqqat biilinik aallarussinerat. Politiilli kikkuunersut takusinnaanngilaat.