Skip to main content

Nûk nunatsinni pissartanngorniulluni unamminermi 35-0-mik ajugaasoq

Arnat arsaallutik nunatsinni pissartanngorniunneranni Nuummi ingerlanneqartumi pingasunngornermi unamminerit kikkut puljeni ajugaanissaannut kikkullu ajorsarnissaannut aalajangiisuussapput

Arnat arsaannermi nunatsinni pissartanngorniunneranni Nuummi ingerlanneqartumi pingasunngornermi unamminerit pingasut kingumut isertitaqarfiorujussuarput. Iligiiaat arsalerinermi nikingassutilerujussuunerat unamminernit takutinneqarpoq.

Unamminermi siullermi Nûk aamma K-1933 Qaqortumeersoq unammipput. K-1933 ataasinngornermi KB-84-imut Kangaatsiameersumut ajorsareerluni semifinalimut anngussinnaassaguni ajugaaniartussaavoq, John Thorsen aaqqissuisunit Nûk-meersoq ilisimatitsivoq.

Nûk-lu K-1933-rmiunit pitsaanerujussuuvoq, muminnissamut unillatsiarnermi 16-0-imik siuaqqareerluni 35-0-imik ajugaasoq. Taamaalilluni K-1933 semifinalinut anngunniunnermut ilaajunnaarpoq, oqaluttuarpoq.

Unamminerit aappaanni Qeqertarsuup Tunuaneersut unammipput, tassa T-41, Aasiaat, aamma Disko-76, Qeqertarsuaq. Unammineq kingumut naligiinngiffiusorujussuuvoq, Disko-76 14-0-imik ajugaammat,  John Thorsen ilisimatitsivoq.

Ullormut unamminerit kingullersaanni Ilulissaneersut I-69 aamma Nuummeersut B-67 unammipput. B-67 ataasinngornermi Disko-76-imut ajorsareerluni semifinalinut neriuutissaqassaguni ajugaaniartussaavoq.

I-69-imeersulli allatut perusupput. I-69 siuarpoq arsaannerullu naalernerata tungaanut 4-0-imik siuaqqalluni. B-67-ermiulli sukataartuarsinnarput ataasiarlutillu isertitsillutik. Unamminermi naligiiffiukannersumi I-69 4-1-imik ajugaavoq, John Thorsen oqaluttuarpoq.

Taamaalillutik I-69 Disko-76-ilu Pulje 2-mi pointeqatigiilerput. Puljemi kikkut ajugaanissaat pingasunngornermi nal. 15 unamminermi aalajangiivigineqassaaq. Nal. 17 KB-84 aamma Nûk aamma aalajangisuusumik unammissapput, unammineq puljemi kikkut ajugaanissaannut aalajangiisuussammat.

Taamaalilluni sisamanngornermi semifinalini kikkut imminnut unamminissaat suli ammasorujussuuvoq.

Nal. 19 T-41 aamma B-67 unammilerpata taakkunannga sorliit sisamanngorpat Pulje 1-mi K-1933-mut nr. 5-inngorniussaat aalajangiivigineqassaaq. Ajorsartut nr. 7-inngussapput unammiuaarnermilu ajorsartuussallutik.

Tallimanngorpat ajugaaniutivinneq nal. 16 pissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER