Skip to main content

Arnat: GM-ip aallartinnera isertitsinerpassualik

Arnat arsaallutik nunatsinni pissartanngorniunnerat ataasinngornermi Nuummi aallartippoq

Nûk Nuummeersoq ukioq manna arnat arsaallutik nunatsinni pissartanngorniunnerannik aaqqissuisuuvoq.

Iligiiaat arfineq-marluk pissartanngorniunnernut peqataapput, taakkualu immikkoortunut marlunnut agguataarneqarput.

Pulje 1: K-33, Qaqortoq, Nûk, Nuuk aamma KB-84, Kangaatsiaq.

Pulje 2: T-41, Aasiaat, I-69,  Ilulissat, Disko-76, Qeqertarsuaq aamma B-67, Nuuk.

Ammaanersiortoqareermat ataasinngornermi ualikkut unamminerit pingasut ingerlanneqarput.

Unammeqqaartuupput KB-84 aamma K-33. Aallartinnerminni naligeeriarlutik tamarmillu isertitsillutik Kangaatsiarmiut Qaqortormiunut 5-1-imik ajugaarujussuarnerannik inerneqarpoq.

Unamminerup tulliani Disko-76 aamma Nûk unammipput. Unammineq naligiiffiusorujussuuvoq Qeqertarsuarmeersullu 2-1-imik ajugaapput.

Ataasinngornermi unamminermi kingullermi timersoqatigiiffiit Avannaaneersut marluk I-69 aamma T-41 unammipput. I-69 T-41-mit pitsaanerungaatsiarpoq, tamannalu unamminermi malunnaateqarlukarpoq. Unammineq Iluliarmiut 16-0-imik ajugaanerannik inerneqarpoq.

Marlunngornermi unamminerit pingasut ingerlanneqassapput. Nal. 15 Nûk aamma K-33 unammissapput. Unamminerit aappaat pissaaq nal. 17 tassanilu T-41 aamma Disko-76 unammissallutik. Unamminerit pingajuanni nal. 19 I-69 aamma B-67 unammissapput.

Pissartanngorniunnerit tallimanngorpat nal. 16 ajugaaniutivinnermik naggaserneqassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER