Skip to main content

Takornariaqarnermut siunnersuisoqatigiit: Ilaasoqarnissamut akuersissut eqqaamasiuk

Angallat ilaasoqarnissamut akuersissutaateqartinnagu angallatinik nuannaariutiginik piginnittut inuinnaat akiliillutik ilaasunik angallasseqqusaannginnerat nunatsinni takornariaqarnermut siunnersuisoqatigiinnit eqqaasitsissutigineqarpoq

Eqip Sermiata sapaatip-akunnerani kingullermi angallammik sermip saarpiannguaniittoqartillugu tassanngaannaq iigalerneranit angallammi inuttat tupinnartuliornikkullusooq aniguinerannik inuinnaat videoliaannik marlunnik qanittukkut takutitsereersugullu nunatsinni takornariaqarnermut siunnersuisoqatigiit Visit Greenland sassartilerpoq.

Sermip iigarnera malerujussuarlu pilersinneqartoq angallammut mikisumut issimasunullu pingasunut kinguneqarnerlorujussuarsimasinnaagaluarpoq.

Læs også "500.000 har set video af vild Eqi-bølge"

Læs også "Passager: Det var for sindssygt"

Australiamiu takornariat Ilulissat avannaannut Eqip Sermianut angallanneqarumalluni akiliuteqarsimanersoq nalunarpoq. Pisimasoq pissuserissaarnissaq pillugu takornariaqarnermut siunnersuisoqatigiit angallatinut mikinernut aqqaneq-marluk angullugit ilaasoqartartunut malittarisassaqarneranik ilaasoqarsinnaanermut malittarisassanik aamma taaneqartunik eqqaasitsinissamut pissutissaqalersippaat.

- Angallat ilaasunik angallassissutigineqartussatut akuerineqarsimanngippat angallammik nuannaariummik piginnittutut inuinnartut akiliillutik ilaasunik angallasseqqusaannginnermik inatsisini allassimasoqarnera uatsinnut erseqqissaatigissallugu pingaarutilerujussuuvoq. Isumannaallisaaneq eqqarsaatigalugu nunatsinni takornariartitsisartut tamarmik ilaasunik angallassinissamut akuerisanik angallateqartussaapput, tamatumalu saniatigut imaanut sikunullu ataqqinnilluinnartunik videonilu pineqartuni takutinneqartutut sermimut iigartartumut nalinginnaasumik taama qanillitigiumanavianngitsunik aquttoqartussaallutik.

Taama Visit Greenlandimi siunnersortaaneq Mads Daniel Skifte Sermitsiaq.AG-mut oqarpoq.

Se video i "- Holy shit!"

Se en anden video i "Det kunne være gået helt galt"

- Imarsiornermut nakkutilliisoqarfik naapertorlugu angallat inuussutissarsiornermut atatillugu atorneqarpat inuussutissarsiutigalugu angallatinut minnerumaanut malittarisassat malinneqartussaapput. Pisumi taamaattoqarnersoq nalornisoorutigineqartillugu Imarsiornermut Nakkutilliisoqarfimmi aalajangiivigineqarsinnaavoq unioqqutitsinermilu ajoqusertoqarsimappat imaluunniit navianartorsiortitsisoqarsimappat tamanna akiliisitaanermik ajornerpaamillu parnaarussaanermik kinguneqarsinnaavoq, Mads Daniel Skifte erseqqissaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER