Skip to main content

Clipper Adventurer Hans Ø'mut

Hans Ø, Smith Sundimiittoq ullumi Clipper Adventurerimit tikinneqarpoq. Albatrosikkut umiarsuaat takornariartaat sikumit akornusersorneqarluni Hans Ø (Tartupaluk) Kennedy Kanalimiittoq Canadap aamma Kalaallit Nunaata assortuussutaat tikinngitsoorpaat

Umiarsuaq takornariartaat Clipper Adventurer, Albatros-Travelip takornariartitaanik 112'inik issimasoqarluni Kalaallit Nunaanni angalasoq tallimanngornermi unnukkut Kalaallit Nunaata kimmut qaninnerpaartaa Kap Alexander sanioqquppaat Smith Sundimi Nares Strædemiittumi qeqertaaraq Hans Ø ullaakkut tikiffigalugu. Ilaasut ullaaralaaq arfininngornermi gummibådinik nunaliaanneqarput qeqertamiillutik nal. ak. missaanik. 

Qeqertamiinnerup nalaani takornariat arfineq-pingasut imermi nilleqisumi nalupput, taamallu qeqertap portunersaani inussummik angisuumik sanasoqarluni aamma takornariat inuiattut erinarsuummik atuipput. 

Sila seqinnareqaaq anoreqarani kisianni Kalaallit Nunaata Canadallu akornanni sarfamit sikut ingerlanneqartut takussaaqaat. 

Hans Ø'mut tikeraareernerup kingorna umiarsuaq takornariartaat avannamut nannunik sikumit saavissaasunik isiginnaariarniarput. Sapaammi Clipper Adventure kujammut Upernaviup tungaanut angalanini aallartissavaa. 

Clipper Adventurerip Kalaallit Nunaanni takornariartitsinera pillugu uani atuagassaqarpoq.

Taanna Hans Ø, Albatros-Travelip takornariartuisa arfininngornermi ornitaat, tassaavoq taanna qeqertaq 1853'imi Hans Hendrik (1834-1889) Qeqertarsuatsiaaneersumut atsiussaq.

Kennedy Kanalimi avannaaniittumi, Nares Strædetip tungaanut avannamut 150 sømilinik ungasissusilimmi qeqertaq alla Hans Ø inissisimavoq, taanna 1873'imi angut taannarpiaq Hans Hendrik, Qeqertarsuatsiaaneersumut aamma atsiussaavoq. Tassa taanna Hans Ø (Tartupaluk), Kalaallit Nunaata aamma Canadap pilerngullugu assortuussutigisaat.

Takornariarneq angalanermi pisortamit Axel Fiedlerimit aqunneqartoq Hans Ø'mut avannarlermut angalanissaq pilersaarutigineqarpoq, kisianni Nares Strædemi siku suli aassimanngilaq, taamaattumik tamaani angalasoqarsinnaanngilaq sikunik aserorterutaanngitsunit.

Hans Ø pillugu assortuunnerit annermik paasisaqarfigerusukkukkit Axel Fiedlerip Hans Ø pillugu allaaserisaa Sermitsiaq nummer 19'imiittoq atuarsinnaat.

Aviisi aamma uani pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER