Skip to main content

Pisortaq: Taamak pisoqaqqissanngilaq

Kommune Kujalleq piginnaaneqarluarpoq aamma suliniuteqartorujussuuvoq, kisianni naamaanermik pinaveersaartitsineq tamatta akisussaaffigaarput, inunnik isumaginninnermi pisortaq oqarpoq 

Tupaallaatigineqarpoq amerlasuunillu aliatsaatigineqarluni sisamanngorninngoraa unnuakkut nukappiaqqap 13'inik ukiullip Qaqortumi benziinamik naamaarnerup kingorna toqukkut qimagunnera. 

Politiit aamma kingullertut Kommune Kujallermi borgmesteri Simon Simonsen, umiatsiaatillit, inuussutissarsiortut ilami inersimasut tamaasa, meeqqat inuusuttuaqqallu naamaarnerat takussaajartuinnartoq akisussaaqataasutut pinaveersaartitseqaffigeqqullugu kajumissaatigaat.

 

Tamat akisusssaaffiat
Maanna Kommune Kujallermi inunnik isumaginninnermi pisortaq, Mikkel Balle, aamma oqaaseqaammik ilanngussaqarusuppoq. 

- Kommunit piginnaaneqarluarput aamma suliniuteqartorujussuupput kisianni kisimiilluta suliassaq naammassisinnaanngilarput. Meeqqat inuussuttuaqqallu Kalaallit Nunaata tamaasa ataatsimut akisussaaffigai, uagut inersimasut inuiaqatigiinni tamaginni akisussaaffik ataatsimoorullugu ingerlattariaqarparput. Inatsisit unioqqutissanngilagut, meeqqagut perorsassavagut, meeqqagut ikiussavagut, meeqqagut illersussavagut, soorunami uagut kommunini aamma ikiuutissaagut atorfissaqartitsisoqartillugu, Mikkel Balle tikkuaavoq. 

- Aatsaat ajornartorsiut ilisimaneqaraangat taanna aallaavigalugu suliniartoqartarpoq. Taamaattumik isumaqatigiissutigisigu Qaqortumi toqusoqarnera alianartuusoq taamaattariaqanngikkaluartorlu. Kingorna Kalaallit Nunaanni taamak pisoqaqqinngisaannarili. 

 

Ajornartorsiut kikkunniluunniit atuuppoq 
Mikkel Balle isumaqarpoq nunatsinni kommunit sisamat pinaveersaartitsinermut, paasisitsiniaanermut aamma ajornartorsiutinik aniguiniarnerminnik suliniarnerat pitsaasuusoq.  

Kommunit piginnaasatik suliaraat: Nukissatik meeqqanut inuussuttuaqqanullu ilisimasaqarfigeriikkaminnut atorpaat, tamaatullu paasisitsiniaanernik nalinginnaasunik ingerlatsinerit. Annilaarnaqaarli misigalugu qaammammiit qaammammut meeqqat angerlarsimaffinnit nukittuunit ingerlalluartuniillu atornerluinerup naamaarnerullu aqqusernganut pisunik paasisaqartuaannaratta, Mikkel Balle oqarpoq. 

Taanna naapertorlugu kommunit pisariaqartippaat ikiorneqarnissartik kommunit kisimiillutik suliarisinnaanngisaannut. Pingasut taavai: 

 

  • Kommunit nunami maani meeqqanik perorsaasinnaanngilaq aamma perorsaasussaanngilaq. Tamanna angajoqqaat ataatsimoorussamik akisussaaffigaat. Angajoqqaat taakku, meeqqamik unnuakkut kisimiillutik aneersinnaanerannik akuersissartut, meeqqatik inersimasut ilisarisimanngisat aamma ilaanni peqqarniissinnaasut akornannut anisittarpaat. 
  •  
  • Uagut inuiaqatigiinni inersimasortaqarpugut aningaasaannarnik eqqarsartunik, eqqasuuteqarnatik ikiaroornartoq, imigassaq, nakorsaatit allallu ulorianartut meeqqanut inuussuttuaqqanullu tuniniaasunik. Niuerfik taanna maajunnartoq kajumernanngitsorlu unnukkut unnuakkullu ingerlanneqartarpoq. Niuerneq taanna unitsinniartigu meeqqatta inuusuttortattalu tamakkuninnga naapitsinissaat pinaveersaarniarlugu. 
  •  
  • Inersimasut benziinaatillit, arrorsaataatillit, gassit akoorutissallu suulluunniit sniffernermut atorneqarsinnaasut parnaarlugit inissinnissaannut pisussaaffeqarput. Inersimasut tamakku assersuutigalugu benziinamik meeqqanit inuusuttuaqqanillu tiguneqarsinnaasumik inaaliisoq, naamaarnerup ajornartorsiutaaneranut aamma pisooqataavoq.  
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER