Skip to main content

CO2-mik aniatitsinermut akiliisalissaagut

Nunarput Kyotomi isumaqatigiissummi isumaqatigiissutigineqartunit CO2-mik aniatitsivallaarsimavoq ukiunilu tulliuttuni pingasuni inuit pilersitaannik aniatitsinermut 13,6 millioner koruuninik akiliuteqassalluni

Nunarput erngup nukinganik nukissiorfinnik innaallagissiorfinni uuliamik atuinermut annikillisitsisumik nukissiorfeqalersimagaluartoq inuiaqatigiinni sumiiffinni allani uuliamik atuineq qaffariarsimavoq.

Taama ineqarnermut, attaveqarnermut angallannermullu naalakkersuisoq Jens B. Frederiksen tallimanngornermi Sermitsiamut oqarpoq. Maannalu uuliamik atuivallaarneq akiniaalerpoq CO2-mik aniatitsinerulernermut 13,6 millioner koruuninik akiligassiisoqarneratigut.

CO2-mik aniatitsinissamut naalakkersuisut 2012-imi 4,43 millioner koruuninik, 2013-imi 4,6 millioner koruuninik 2014-imilu 4,6 millioner koruuninik akiliinissaat aningaasaqarnermut ataatsimiititaliamit akuersissutigineqaqqammerpoq. Kyotomi isumaqatigiissummut atatillugu naalagaaffeqatigiinnerup pisussaaffiinut tapiissutitut nunarput katillugit 13,63 millioner koruuninik Danmarkimut akiliueqassaaq.

Siullerpaaq
Nunarput aatsaavissuaq CO2-mik aniatitsinissamut pisivoq. Pisinermi Kyotomi isumaqatigiissummi 2008-miit 2012-imut tunngasut pineqarput, taakkualu 2014-ip tungaanut ukiuni pingasuni akilerneqassallutik, Sermitsiaq ullumi saqqummersoq allappoq.

Silap pissusaanut nukissiuuteqarnermullu ministeri Martin Lidegaard qaammatip tulliani Nuummukassaaq, ministerillu tikeraarnerata nalaani silap pissusaanut tunngasuni suleqatigiinnissamik isumaqatigiissusiorsinnaanissaq Jens B. Frederiksenimit neriuutigineqarpoq.

Silap pissusaanut nukissiuuteqarnermullu ministeri Martin Lidegaard marsimi Ingeniørenimi nalunaarpoq, CO2-mik aniatitsinerup qanoq annikillilerneqartiginissaa Kalaallit Nunaata 2013-imiit nammineerluni aalajangersinnaanngussagaa.

- Apeqqutaaginnarpoq Danmarkimi silap pissusaanut politikkimut attuumassuteqarneq qanoq annertutigisumik qanorlu pissusilimmik nunat tamalaat akornanni isumaqatigiinniarnernut aamma attuumassuteqartinneqassanersoq, Martin Lidegaard upernaaq Ingeniørenimut oqarpoq.

Jens B. Frederiksenip apersorneqarnera Sermitsiami sapaatip-akunnerani matumani saqqummersumi maani aamma pisiarisinnaasanni atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER