Skip to main content

Politiit: Neriuutaarukkiartorpugut

Naak, Ilulissani politiit arlariarlutik saaffiginnissuteqartaraluartut taammaneqartoq 42'nik ukiulimmik Kasper Svendsenimik suli naninngilaat - taanna maajip 19'iannili tammaaneqalerpoq  

Aqagu sisamanngornermi qaammatit marlunngussapput Kasper Svendsen aamma taanneqartartoq "Qavak" tammaaneqalermalli, taanna Ilulissani imerniartarfiup ”Falkereden” eqqaani takuneqarami kingorna periarfeerutivippoq. 

Politiit ujaasinerminni najoqqutassaalatsipput nassaarinissaanullu neriuut milliartuinnarpoq. 

Taamak oqaluttuarpoq Erik Lynge Rasmussen, Avannaani politiit immikkoortortaani pisortaq oqarpoq.  

Taanna ilisimatitsivoq politiit arlalialunnit saaffigineqartarsimasut Kasper Svendsenip tammaaneqarneranut atatillugu.

- Suliaq suli matuneqanngilaq. Saaffiginnissutinik paasissutissanillu nutaanik pissarsigutta misissuiffigissavagut. Manna tikillugu ujaasinitsinni nalerassaaleqivugut, Erik Lynge Rasmussen Sermitsiaq.AG'mut oqarpoq.

- Nassaarinissaa ilimagaasiuk?

- Paasitinneqarpugut angerlarsimanngitsoq aamma ilaquttaminut kalerriisimanngitsoq allanillu sumi arlaanni sammisaqarsimanngimmat uagutsinnit nassaarineqarnissaanut ilimasunnilersitsisinnaasunik, taamaattumik ajoraluartumik ilimananngilaq uagutsinnit nassaarineqarsinnaanissaa ilimagissallugu.  

- Kisianni soorunami ajunnginnerpaamik neriuuteqaraluarpugut, Erik Lynge Rasmussen naqissusiivoq.

42'nik ukiulik Kasper Svendsen, Qeqertarsuarneersuuvoq, tammaaneqalerninili tikillugu Ilulissani aasartutut inuulluni. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER