Skip to main content

Illoqarfimmiut aqqusinernut atsiunneqarput

"Ole Petersenip Aqqutaa” Maniitsumi aqquserngit ilaata atigaa

- Ole Petersen Maniitsormioqatitta ilagaat Ilaatigut 1930-ikkuni katersortarfimmik pilersitseqataavoq ilamiillaoqarfimmut pingaaruteqarsimaqaluni. 

Taama Sermitsiaq.AG-mut oqaluttuarpoq innuttaasut suleqatigiissitaasa siulittaasua Jaakutoqaq Heilmann aqqusinernik atsiineq pillugu.  

Taamaattumik Ole Petersenip qitornai Professor soraarneq Robert Petersen, palasi soraarneq Richard Petersen aamma katersugaasivimmi pisortaasimalluni soraarneq Marianne Petersen immikkut ittumik aggersarneqarlutik.

Allagartani nutaani aqquserngup taaguutaata ataatungaanni, aqquserngit taaguuserneqarnerisa oqaluttuassartaat naatsumik allaaserineqarput.

Aqquserngit allagartaasa atoqqaartinneqarnerata kingorna peqataasut soqutiginnittullu oqaluffitoqqaliaapput. 

Tassani Maniitsup oqaluttuassartaata ilaa Maniitsormiut Robert Petersenip Richard Petersenillu oqaluttuaraat.

Ole Petersen marsip 7-ani 1894-imi inunngorpoq decembarillu 12-ani 1979-mi toqulluni. 

Aqquserngit aqqi nutaat tallimat

Tusarnaartut 60‐it 70‐illu akornanniittut Maniitsormiuusimasut pillugit oqaluttuarfigineqarlutik

Oqalugiareernerup kingorna kommuni kissartullerlunilu kaagillerpoq, tassungalu atatillugu Maniitsormiut tusaamasat peqataasunit ilassineqarlutillu oqaloqatigineqarput.

Maniitsumi innuttaasut suleqatigiissitaasa suliniuteqarnerisigut aqquserngit allagartaat suliarineqarput.

Aqquserngit aqqi nutaat makkuupput ”Suusaap Aqqutaa”, ”Qoororalak”, ”Narsannguaq”, ”Pavia Petersenip Aqqutaa” aammalu ”Ole Petersenip Aqqutaa”.

Aappaagu maniitsumi aqquserngit allat aamma Maniitsormiuusimasunik atserneqassapput. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER