Skip to main content

Asiaq: Stationini arlalinni

"Ingasattumik imeqarput" Asiap nunatsinni stationini arlalinni imermik uuttortaaviisa tamanna takutippaat. Siornatigut erngup qaffasissusaanut uuttortaasarnernut naleqqiullugu tamatumuuna meterip affaanik qaffasinnerupput

Nunarsuarmi sila maanilu Kalaallit Nunaanni piffissami qaangiuttumi eqqumiillunilu sumiiffiit ilaanni sakkortoqaaq.

Tamanna Asiami aamma nalunaarsorneqarpoq taakkua Nunatsinni imermik uuttortaaviit stationeqarfiinik aserfallatsaaliinermik aamma ingerlatsisuupput. Stationit siunertaraat  tatsit arlallit kuunnerinik uuttortaaneq, tatsit imermik kuutitsinerat aalajangerniarneqartarpoq taamaalilluni assersuutigalugu nutaamik erngup nukissiorfiliortoqassappat aalajangiinissamut tunngavissaqartoqarniassammat.

 

Stationit arlallit tatsini erngup qaffasissusaa uuttortarneqartarpoq tamakku toqqaannartumik toqqaannanngitsumillu sermersuarmit kuuffigineqartarput. 

- Stationini taakkunani takusinnaavarput sapaatip akunnerata siuliani imeq ilaatigut meterip affaa tikillugu qaffarujussuarsimasoq, ukiuni sisamani uuttortaasarnerit ingerlaneranni aatsaat taamak qaffasitsigaluni, Henrik Fenger Jeppesen oqarpoq.

- Misissuinernit paasisat tamakkua maanna nalinginnaanngitsumik Kangerlussuarmi pisunut assingupput. Sumiiffinni assigiinngitsuni erngup qaffarujussuarsimaneranut silap kiannerujussua taamalu sapaatip akunnerata siuliani siallerujussuarneranit pissuteqarput.  

 

2010'mi aatsaat taamak kiatsigaaq
Henrik Fenger Jeppesen oqaluttuarpoq 2010'mi aasaanera nunarsuarmi tamarmi kiattorujussuuvoq aamma Kalaallit Nunaanni nalinginnaasumit kianneruvoq, tamanna Asiap Nunatsinni stationeqarfiannit paasissutissat aamma naqissuserpaat. 

- Silap kiannerujussuata uppernarsaatissaatut takuneqarsinnaavoq tatsini erngup qaffarujussuarnera tamakku sermersuarmit imermik pilersorneqartuugamik, 2010'mili taamani aggustip 22'anni erngup qaffarujussuarneranik uuttortakkanut naleqqiullugu maannakkut erngup qaffareersimanera siusissorujussuuvoq.  

 

Erngup qaffasissusaa aatsaat taamak ingasatsigaaq
- Stationit tamarmik tatsini erngup qaffasissusaanik uuttortaasuni, pingaartumik taserni sermersuarmit imermik pilersorneqartuni sapaatip akunnerata qaangiuttup ingerlanerani imeq qaffarujussuarsimavoq. Qaffannerit oqaatigeriikkatut, siornatigut uuttortaasarnernit ilaatigut meterip affaanik annertunerupput. Tatsini erngup qaffanneri tatsimiit tatsimut assigiinneq ajorput allamut kuuttortaqarneri aamma apeqqutaasarami, Henrik Fenger Jeppesen Sermitsiaq.AG'mut oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER