Tele aserortigiffigineqaqqippoq
Tele-Postip Mabniitsumi illuaraq nassitsissutaa aserorteriffigineqaqqippoq atortui sequminneqarlutik iigaalu allattuiffigineqarlutik
- Taamatut siunertaqangitsumik aserorterineq sumik peqquteqarnersoq paasiuminaappoq, tassami inuuneq pigisallu akisuut pineqarput.
Taama oqarpoq sinerissami radiumi pisortaq Carl Johan Colberg.
Maniitsumi Tele-Postip nassitsissutaasa aserorteriffigineqaqqinneranni Aasiaat Radio mellembølgekkut attaveqarfigiuminaallivoq. VHF atorlugu attaveqarneq kalluarneqanngilaq.
Pingasunngorpat teknikerit illuaraliassapput nassitsissutit iluarsiniarniarlugit, nassitsissutit ingerlanneqarnerannut pisortaq Klaus Egede oqarpoq.
Ukioq manna aappassaa illuaraq susassaqanngitsunit tikinneqarpoq. Kingullermik tamanna pivoq maajimi atortut nassitsissutit taartissallu aserorterneqarlutik.
Illuaraq nassitsissuteqarfiusoq marlunnik mellembølgekkoortunik nassitsissuteqarpoq sinerissamilu radio imartatsinni nakkutilliineranut ilaallutik.