Skip to main content

Umiarsuarsuit takornariartaatit akimasuut sumiiffissisimavaatigut

Ukioq manna umiarsuit Kalaallit Nunaannut tikittussat pingajorarterutaat akimanerpaat marluk akornanniipput

Ippassaanitsiaq borgmester Simon Simonsen, Kommune Kujalleq umiarsuaq takornariartaat akimasooq "Nautica", aquttuanik inuttaanillu ilassinnikkiartorniarluni Qaqortumi ikiffigimmagu umiarsuaq nalinginnanngitsoq illoqarfimminut tikilluaqquaa.

Nautica umiarsuit takornariartaatit akimasuut mikisut akunnattullu amerliartuinnartut nunatsinnut tikittalersut ilagaat, ukiuni kingullerni tamakku Kalaallit Nunaat ilikkariartuinnarpaat. 

Nauticap ullualuit matuma siorna Tasiilamut tikittussaagaluarpoq sikoqarpallaarnera pujorneralu pissutigalugit taamaatiinnarluni taamaattumillu umiarsuup Nunatsinni tikitaasa Qaqortoq siullersaraat. Umiarsuarmi takornariat 600 pallillugit ilaasuupput amerlanerit Amerikap avannaaneerlutik kisianni aamma europamiunik ilaqarlutik. 

 

Akimasumik inuuneq
Visit Greenland naapertorlugu Nautica umiarsuaavoq takornarianik pisuujunerusunit kajumigineqartartoq tassani immikkut ikuunnatsinneqarnissaq, pitsaassuseq, nerisassat pitsassuit aamma iluatassutissat allat umiarsuarni nalinginnaasuni pineqarsinnaanngitsut tunniussinnaavai. Umiarsuit nalinginnaanerusut taakkuupput Nunatsinnut tikittartunit suli nalinginnaanerpaajusut. 

- Timmisartumi akisunermi nalinginnaasumilu inissanut assersuussisoqarsinnaavoq, Nautica akimanerpaanut ilaavoq. Ukiuni aggersuni takusalertussaavarput umiarsuit 1. klassit aamma business klassit, Visit Greenlandimi siunnersortaaneq Malik Milfeldt oqarpoq.

- Umiarsuit makku pitsaaqutigaat akimasuutut nalilerneqarsinnaajuaannarumallutik 600'nik amerlanernik ilaasoqarniarneq ajorput allaat ilaanni ikinnernik ilaasoqarniartarlutik kiisalu ilaasorisartakkat soorunami akiliisinnaassuseqartut aningaasivitsik qaqillugit pitsaasunik tammajuitsorserusuttarlutik. Nunatsinni aningaasarsiornermut iluaqqutaapput aammami inuiaqatigiit takornariartaatit akitsuutaannik aningaasarsiorluartarput allanillu isaatitsisarlutik, umiarsuarnut tamakkununnga tunisaqarnerit allat aqqutigalugit, Malik Milfeldt oqarpoq.  

 

Pingajorarterutaat ataatilaarlugu  
Visit Greenland ilisimatitsivoq umiarsuit Nunatsinnut tikittartut pingajorarterutingajaat akimanerpaat marluk akornanni inissisimasartut sinneri umiarsuaasut nalinginnaat. 

Takornariaqarnermik siunnersuisoqatigiit ukioq manna tuluit misissuisitsiviat akuerisaasoq GP Wild atorlugu misissussavaat umiarsuarsuarni takornariartaatini ilaasut inuiaqatigiit aningaasaqarnerannut sunniutaasa uppernarsaasiornerat.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER