Skip to main content

Nunatsinni qallunaatsianik paasiuminaatsoq qulaajarneqarpoq

Qallunaatsiaat nunatsinnut pisut siulliit sumut pisimanersut paasiuminaatsinneqarpoq. Ukiuni 500-ungajanni Issittumeereerlutik tammariataarput. Immaqa puisitukatassimapput, ilisimatusarneq nutaaq eqqoriaavoq 

980-ikkunni europamiut siulliit suli Kalaallit Nunaannut pinngitsut assigiinngiiaarluartunik nerisaqarsimapput. Pingaartumik kinertulianik aamma nersussuit, savat savaasallu immuinit tunisassianik, aalisakkanik, iffiukkanik immaqalu neqimik akullugit. Ukiunili amerlavallaanngitsuni nunami nutaameereerlutik pissutsit mumipput, nerisaallu assigiiaarnerulerput. Maanna puisit neqitortorujussuanngorput, immaqa aalisakkanik ilalaartarlugit aammalu immummik tunisassiaminernik.

Tassami qallunaatsiaanut ajornakusoorsimavoq silami nillertumi uumasuuteqarniarneq nunallu naggorissarnissaa ajornarluinnarsimavoq. Taamaattumik nerisatik inooriaatsimillu ilaat, Islandimit nassatatik, sukkasuumik atorunnaarpaat sapinngisartillu tamaat nunatsinni pissutsinut naleqqussarlutik, kigaatsumillu naggorissaasutut sorsuttartutulu kinaassutertik annaajartuaarlugu.

Tamanna itsarnitsanik ilisimatusarnermik ingerlatsinerit arlallit takutippaat, Nunatsinni ukiuni arlalinni ingerlanneqarsimasut maannalu naammassineqangajalersut, taamatut allappoq aviisi ullormut saqqummersartoq Politiken.

Suliniutit ataatsimoorlutik manna tikillugu eqqorluarnerpaamik takutippaat ukiut 1.000-t matuma siornatigut inuit siulliit Kujataanut pisut kikkorpiaanersut qanorlu inuusimanersut.

Qallunaatsiaat 980-ikkunni siullermik Nunatsinnut pipput. Taakkua Islandimeersuugunarput. Kangerlunnut nunasipput, sumiiffinni marlunni, taagorneqartuni Qallunaatsiaqarfik kujalleq aamma Qallunaatsiaqarfik avannarleq. Tamakkua 1400-ukkunni periarfeerullutik tammannginnerminni 500-t missaanniit 2.500-t angullugit amerlassuseqalersimagaluarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER