Skip to main content

R/V Sanna kaffillerpoq

Qaleralik aamma appa oqaluuserineqarput Pinngortitaleriffiup umiarsuaata Ilulissani talinnganerata nalaani, kikkut soqutiginnissinnaasut alakkarterinissaannut periarfissaqarput

Pinngortitaleriffimmi biologit sisamanngornermi juulip 19'iannit nal. 15.30'mit 18.00 umiarsuarmut ammasumut pulaarsaapput, R/V Sanna Ilulissani talippat. Ulloq taanna Pinngortitaleriffimmit sinerissap qanittuani qaleralinniarneq pillugu oqalugiartoqassaaq aamma Appat Innaat pillugu paasissutissat kingulliit saqqummiunneqassapput kingorna oqallinnissamut periarfissaqassaaq. 

Sannap Ilulissat umiarsualivianni sisamanngorneq juulip 19'ianni imak pilersaarusiorfigineqarpoq:

Nal. 15:30 Umiarsuaq ammassaaq - Kalaallit Nunaanni ilisimatusartut umiarsuartaavat R/V Sanna takuniaruk.

Nal. 16:00 - 17.00 Sinerissamut qanittumi qaleralinniarneq pillugu siunnersuinerit kingulliit tusakkit kingorna ilisimatusartoq Rasmus Nygaard oqalliseqatigiuk 

Nal. 17:00 - 18.00 Appat Innaanni appat misissorneqarneri pillugit oqalugiaat aamma ilisimatusartumik Aili Lage Labansenimik oqalliseqateqarneq.

Pinngortitaleriffik aamma Nationalt Center for Miljø og Energi (Århus Universitet) appanik Appat Innaaneersunik misissuillutillu kisitsipput 2011. Kisitsinermi paasinarsivoq appat 2006'imit ikileriarujussuarsimasut. 

Kaffi kaagillu sassaalliutigineqassapput aamma kalaallisuummit/qallunaatuumut nutserisoqassasoq Pinngortitaleriffik nalunaarpoq. 


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER