Aasaq manna tikeraat siulliit
Norskit takornariartaataat M/S Fram Narsamut takornariartitsilluni siullertut tikippoq
Umiarsuaq takornariartaat siulleq arfininngornermi juulip 14'ianni Narsamut tikippoq.
Tikittoq tassaavoq norgemiut takornariartaataat M/S Fram 239'nik ilaasulik. Taakkunannga tyskisut oqaasillit 150 missaanniipput, sinneri kangiamiuullutik imaluunniit europamiuullutik.
Angalanerat Kangerlussuarmi aallartippoq, tamatuma kingorna Ilulissat, Sisimiut, Nuuk aamma Ivittuut aqqusaarpaat. Narsamut tikinnerup kingorna Qassiarsuk, Hvalsey aamma Qaqortoq orninneqassapput. Angalaneq Reykjavikkimi naammassissaaq tamatuma kingorna Fram takornarianik allanik ilaasoqarluni Svaldbardiliassaaq.
Angalaneq una Framip ukioq manna nunatsinni angalanerata kingullersaraat.
Angalanerup qulequtaraa "Seqineq kaaviinnartoq & Vikingit nunaat". Takornariat Kalaallit Nunaat qorsooqqisseruttortoq tikippaat. Narsami nuiaqanngingajattumi sila seqinnarik, anoreqarani 20't angullugit kiattoq.
Eqqumiitsuliortut kusanartuliortartullu arlallit umiarsualivimmi saqqummersitsiutigalutik tuniniaapput, soorlulu tamarmik tuniniaanerminnik naammagisimaarinnilluartut. Kikkut tamarmik qungujulapput alapernaaqalutillu.