Skip to main content

Kalaallit filmiliorneranni alianartoq

Kalaallit aliikkutassiatut filmiliaanni siullermi Nuummioq-mi, 2010-mi tupaallannartumik filmfestivalimut ataqqinaataaasumut Sundance-mut peqataasussatut toqqarneqartumi, oqaluttuanut ilaapput akiliisinnaajunnaarneq, politiinut tunniussineq aamma peqquserlunnermik pasilliineq 

Kalaallit aliikkutassiaralugu filmiliaannut siullermut "Nuummioq"-mut 2009-meersumut ilitsersuisoq Otto Rosing isumassarsisuuvoq. Rosingip 2008-mi taamanikkut ikinngutigilluakkani  Mikisoq Lynge ornippaa filmiliassamillu isumassarsiaminik saqqummiussivigalugu. Taakkua marluullutik suliniussuaq aallartippaat. Filmiliornerup nalaani Otto Rosing isumatsassimanermik (depression) nappaateqalerpoq, filmillu inaarsarnissaa Mikisoq Lyngemut tunniullugu.

Aningaasaqarnerup, 4,5 millioner koruuninik aningaasartallip, aqunneqarnera Otto Rosingip tatigilluinnarsimavaa. Selskabili "3900 Pictures"-ip, Nunatsinni aliikkutassiamik filmimik siullermik sanasup, nunani tamalaani siammarsaanissamik isumaqatigiissut annertooq maangaannartimmagu, Rosingip paasilerpaa ajortoqarluinnartoq, Mikisoq Lyngelu qinnuigalugu selskabip kontuata anisinneranik.

Taamatut allappoq filminut atuagassiaq Ekko.

Kingorna filmiliornermik ingerlatsivik "3900 Pictures" akiliisinnaajunnaarpoq. 2011-mi maajip 16-ianni Mikisoq Lynge politiinut nalunaarutigineqarpoq peqquserlussimasutut pasineqarluni.

Otto Rosingip siulersusunullu ilaasortap Karin Thorsenip, Rosing Lyngelu peqatigalugit ingerlatsiviup siulersuisuni ilaasortaasut, kontumit aniatitat takugamikkit tuparujussuarput.

Rosingip Thorenillu aningaasartuuteerarpassuit, filmiliornermut attuumassuteqartutut takuneqarsinnaanngitsut, takuvaat. sunoorsinik, nerisassanik, imigassanik, skuunik dvd-nillu pisortornerit. Ilaquttanut ikinngutinullu timmisartumut billetsit 30.000 koruuninut. Assiliivik 11.000 koruunilik. Dvd-t 20.000 koruunit sinnerlugit. Playstation 3.000 koruunit sinnerlugit akilik.

Aningaasartuutit katillugit 281.776 kr.-nit. Tamatuma saniatigut 499.000 koruunit bilageqanngitsut, tamannalu kukkunersiuinermik ingerlatsiviup Deloitte-p tikkuarpaa, 2010-mi aggustimi suliaq ingerlanneqalermat.

Mikisoq Lynge aamma siulersuisut akuersitinnagit imminut akissarsitissimavoq 489.290 koruuninik, fiminut atuagassiaq Ekko allappoq.

Allaaserisami Mikisoq Lyngep unnerluutiginninnerit siullermeersumik oqaaseqarfigai:

- Amerlasuunik kukkussuteqarsimavunga, tamannali aamma isiginiarneqassaaq ingerlatseqatiga Otto, suliap ingerlannerani siusissorujussuakkut peerummat, uangalu suut tamaasa kisimiillunga ingerlatilerlugit. Pissutsit taamaatsillugit sapinngisannik pitsaanerpaamik iliorniarsimavunga. Siusinnerusukkummi filmiliorsimanngisaannarsimavunga. Isumaqarpunga samminiarneqartariaqartoq sunik tamanik aporfissaqarluta filmi taanna suliarisimagipput, taannalu Kalaallit Nunaannut pingaaruteqartorujussuusimasoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER