- Ajunaarnersuuvoq
Kangerlussuaq Qeqqata kommunianit aamma namminersorlutik oqartussanit sapinngisamik ikiorneqartariaqarpoq, nunaqarfiup aqutsisuisa siulittaasuat oqarpoq
- Ikaartarfimmik pisoq ajunaarnersuuvoq, Kangerlussuarmi nunaqarfiup aqutsisuisa siulittaasuat, Albrecht Kreutzmann, Sermitisiaq.AG-mut oqarpoq.
Taamaattumik ullumi nunaqarfiup aqutsisuisa ataatsimiinnissaannut aggersaagasuarpoq Kangerlussuaq ingerlalluaqqilissappat suut pisariaqarnerat oqaluuserineqarsinnaaqqullugu.
Maannangaarli avataaniit ikiuukkiartortoqarnissaa pisariaqassasoq Albrecht Kreutzmannip oqaatigaa.
Læs "20 tons gummiged skyllet væk"
- Annertuumik suliassaqarpugut, ikaartarfiullu sanaqqinnissaanut atortussanik amigaateqarpugut, oqarpoq.
Albrecht Kreutzmann naapertorlugu umiarsuarmik pajuttumik angisuumik Kangerlussuaq aatsaat aggustimi septembarimiluunniit tikinneqaqqissaaq, kisiannili taama sivisutigisumik utaqqinissaq ajornakusuussasoq oqarluni.
Taamaattumik namminersorlutik oqartussat Qeqqatalu Kommunia qinnuigai Kangerlussuarmut ikiuuteqqullugit nunaqarfimmullu eqqugaasumik pisariaqartitanik assartuisinnaasumik immikkut umiarsualiinissamik eqqarsaatiginneqqullugit.