Skip to main content

IMAK aamma Namminersorlutik oqartussat suli assortuupput

IMAK aamma Naalakkersuisut isumaqatigiissinnaanngillat

Siullermik ilinniartitsisut kattuffiata IMAK'ip naalakkersuisut isumaqatigiinniarnerni demokratiimik sumiginnaanerarlugit sakkortuumik appisaluuppai. Taava naalakkersuisut akipput naqissuserlugu oqaloqatigiinnissaq kissaatigalugu kisianni aamma erserluni naalakkersuisunit tupigusuutigineqartoq IMAK'ip isornartorsiuinera, tunngavissaqanngitsutut ajuusaarnartutullu taaneqartoq. 

Maannakkut IMAK'ip siulittaasua Sivso Dorph akeqqippoq:

- Maanna IMAK'ip IINip akissutitut allagaqaataa ammasoq atuarsimalerpaa, ajuusaarnartumillu aammaloorluni paasillugu tamat oqartussaaqataanerannik, oqaloqatigiinnermik, ataqqeqatigiinnermik suleqatigiinnermik minnerunngitsumillu isumaqatigiissutip qanoq paasineqarnissaanik assigiinngitsunik paasinnittartugut, tusagassiorfinnut nalunaarummi ersippoq. 

"Naalakkersuisut demokratii pingaartinngilaat"

 

IMAK'ip inatsisissatut siunnersuummut oqaaseqaatissani maanna tunniutereersimalerpai, paasigatsigu Naalakkersuisut isumaqatigiinniarnerit nalaanni namminneq akuersaariikkatik eqquutsinniarnagit aalajangiusimagaat, nangipput

Sivso Dorph ingerlaqqippoq:

- IMAK'ip neriuutigisimagaluarpaa, taamatut oqaasertaliinerit Naalakkersuisut IMAK'illu akorrnanni pitsaanerusumik oqaloqatigiinnissamut suleqatigiinnissamullu ammaassisuujumaartut, nunatsinni meeqqat atuarfiannut pitsaasumik kinguneqartussaagaluit.

- Taamaattumik IMAK'ip Naalakkersuisoqarfik saaffigisimagaluarpaa inatsisissatut siunnersuummut tusarniaaneq unitseqqullugu, iluatsitsinatali.

- IMAK maanna tusarniaanermi akissummik tunniussaqarsimalerpoq, sulinngiffeqarnerullu kinguninngua partiinut Inatsisartullu ataatsimiititaliaannut ilaatigut ilinniartitaanermut ataatsimiititaliamut saaffiginnissuteqassalluni, neriuutigalugu oqaloqatigiinneq suleqatigiinnerlu pilersinneqarumaartut meeqqat atuarfiannut pitsaasumik kinguneqartussat, Sivso Dorph allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER