Skip to main content

Neriniartarfiutilik: Sakkortuumik eqquivoq

Kangerlussuarmi neriniartarfik Roklubben ikaartarfiup matuneqarneranit kuullu superujussuarneranit sakkortuumik eqqugaavoq. Ippassaq neriniartarfik neriartortussanik 85-inik annaasaqarpoq, taakkua apuussinnaajunnaarmata

Kuup superujussuarnera Kangerlussuarmi ulluinnarni inuunermik allanngortitsilluinnarpoq, illoqarfik immikkoortunut marlunnut imminnut attaveqanngitsunut avinneqarmat, takornariaqarnerlu eqqugaalluni.

Neriniartarfimmi Restaurant Roklubbenimi piginnittut ippassaq neriartortussat 85-it inniminniisimanerannik taamaatitsiinnartariaqalerput, neriartortussat neriniartarfimmut Kangerlussuarmiit 5 kilometerinik ungasissusilimmiittumut ingerlannissaat isumannaallisaanikkut illersorneqarsinnaanavianngimmat.

Læs "- Det er sgu lidt uhyggeligt"

- Takornariaqarnerpaaffiata nalaaniippoq, taamaattumik uatsinnut sakkortuumik eqquivoq. Ippassaq ulloq tassaasussaagaluarpoq ullut uatsinnut pingaarnerit ilaat, ataasinngorpallu umiarsuarmik takornariartaammik tikittoqassalluni, naluarpulli nerinianik isertoqarsinnaassanerluta, Kim Ernst Restaurant Roklubbenimi iggaviup pisortaa Sermitsiaq.AG-mut oqarpoq.

Læs "Vandforsyningen i fare"

Taanna oqarpoq, kuup superujussuarnera nunaqarfiup ikaartarfianik neriuisoq suli sualutsikkiartortoq.

- Ajunaarnersuaaraavoq, kisianni tassa ajunnginnerpaamik pisoqarnissaa neriuutigiinnarneqarsinnaavoq, Kim Ernst oqarpoq, takornariallu sinnerlugit aamma ajuusaarnerarluni, Roklubben nerisassianik nunatsinneersuniinnaq takornariarpassuarnit apersuutigineqartartunik sassaalliisarmat.

Læs "Rekordvandstand i Kangerlussuaq"

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER