Skip to main content

Ukiut qulissaa Aasianni assammik arsarnermik ilinniartitsineq

Nunanut allanut unammisartut Akutaaneq Kreutzmanna aamma Muusa Ostermann-Søholm ukioq manna sungiusaasuupput 

Ukioq manna Aasianni assammik arsarluni ilinniartitsineq aallarteqqammerpoq. Tamanna ingerlanneqassaaq Aasiaat Timersortarfianni juulip 9-anniit 13-iannut, ukiorlu manna Akutaaneq Kreutzmann aamma Muusaarannguaq Ostermann-Søholm, marluullutik nunanut allanut unammisartuusut, sungiusaasuupput.

Assamik arsarnermik ilinniarfimmi meeqqat inuusuttullu 30-t missaanniittut peqataapput. Ullormut akunnerit tallimat sungisartarput - taamaattumik qasusuitsuusariaqarpoq.

- Ukiuni kingullerni qulini Norsaq HC Aasiaat Kommuneat (ullumikkut Qaasuitsup Kommunia Aasiaat) suleqatigalugu assammik arsarnermik ilinniartitsineq aaqqissuuttarsimavaa. Taavalu ukiut tamaasa avataanit sungiusaasumik qaaqqusisarpugut, Muusalu peqatigalugu sungiusaasuusarput. Ukioq manna nuannaarutigaarput Akutaaneq Kreutzmann assammik arsarluni ilinniarfitsinni peqataarusummat, Tom Ostermann-Søholm, klubbimit aaqqissuisumit Norsaq HC-meersoq Sermitsiaq.AG-mut oqarpoq.

- Assammik arsarluni ilinniarfimmi peqataaneq akeqanngilaq, tamatumunngalu Cairn Energy qutsavissaraarput. Aamma Muusa feriarnerminut atatillugu Aasianniinnermini ikiuuttoq qutsavigaarput. Siorna Pilersuisoq assammik arsarluni ilinniarfimmi peqataasunut tapersersuivoq paarnanik sodavandinillu, minnerunngitsumillu atisaarniarfik ANUNI atortussat eqqarsaatigalugit suleqatigiilluarnitsinnut qutsavigaarput, Tom Ostermann-Søholm oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER