Skip to main content

G-44: Naapertuutinngilaq, GBU

Kalaallit Nunaanni pissartanngorniunnerit pilersaarusiorneqarnerat pitsaanngilaq, siorna mesterit G-44 oqarput

Kalaallit Nunaanni isikkamik arsaannermik pissartat G-44 Qeqertarsuaq GBU'p ukioq manna GM'imut pilersaarusiornerat naammaginngilluinnarpaat.

Manna tikillugu pilersaarutit isikkuat naapertorlugu taamaallaat sapaatip akunnera ataaseq, tassa sap. ak. 32'anni, unammersuarnerit aallartinnissaannut unammiuaartoqassanngilaq. Anngunniunnerit sap. ak. 30'anni ingerlanneqassapput. 

- Naapertuutinngilaq, G-44'mi sungiusaasuutigaluni arsartartoq Johan Frederik Zeeb Sermitsiaq.AGmut oqarpoq.

Taamaattumik taassuma siunnersuutigaa pissartanngorniutivinnissamut arsartartut 22'it peqataatinnissaat akuerineqarsinnaasariaqartoq maannamut 20't taamaallaat peqataatinneqarsinnaasut amerliallallugit, taamaaliornikkut nukiit pitsaanerusumik agguataarneqassammata, taamalu arsartartut ullut tamaasa sakkortuumik unamminissaminnut nukissaqarsinnaallutik.   

 

- Malittarisassat allanngortillugit
Taanna isumaqarpoq malittarisassat allanngortinneqarsinnaasut, pissartanngorniutivinnermi holdit arfinillit peqataatinnagit holdit sisamaannaat peqataatittalerlugit tamatuma nassataanik unamminerit aamma ikilissapput. 

- Sapaatip akunnerinnaannik unammissanngilagut piffissalli taassuma iluani angalassaagut, sungiusarluta eqqissisimaarlutalu tamannali naammanngilaq, nalilersuinini nangippaa. 

- Isumaqarpit pilersaarsusiornerup pissartanngorniunnermi ajugaasinnaanissassinnut periarfissasi annikillisissagaat?

- Nagga, taamak isumaqanngilanga. Holditsinni inuit allanngunngillat sungiusarluarnikuuvugut tupaallatsitsisoqartuaannarsinnaavorlu, illariarpoq. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER