Skip to main content

Siumumeersut 170 kilometerinik isorartussusilimmut pisulersut

Kim Kielsen Malik Berthelsenilu nakuuserneq imigassamillu atornerluineq "nipaatsumik akerliussutsimik takutitsiviginiarlugit" ulluni aggersuni 170 kilometerinik isorartussusilimmut pisunniarput

Siumut sinnerlugu Inatsisartunut ilaasortat Kim Kielsen Malik Berthelsenilu aqagu pisullutik Kangerlussuarmiit Sisimiuliarlutik aallassapput.

Taamaaliorniarpugut nakuuserneq sumiginnaasarnerlu imigassamik atornerluinermik pissuteqartut akerlilerumallugit.

Akerliussutsimik takutitsinermi nukiit allanut atorneqarsinnaanerat takutinniarneqarpoq.

- Nukiit inoqatinut atornagit sulinermut timersornermullu atugassaaneri takutinniarparput, politikerit tusagassiuutitigut nalunaarummi allapput.

Nukiit allamut atukkit
Nunatsinni pinngortitarsuaq inooriaaseq tunngavigalugu nappaatit pitsaaliorneqarnissaannut atorneqarsinnaasoq Kielsenip Berthelsenillu ilanngullugu takutikkusuppaat.

- Timersortartuuniaraanni aatsaat timersoqatigiiffinnut ilaasortaaqqaartariaqanngitsugut aamma takutikkusupparput, Kim Kielsen aamma Malik Berthelsen oqarput, isumaqarnerarlutillu peqqitsitaalluni annertuumik kiffaanngissuseqarnarmat aammalu inuuneq imigassartorfiunngitsoq inuummarinnarmat pinngortitarsuaq atorluarneqartariaqartoq.

- Inuuneq imigassartorfiunngitsoq inuummarinnarneruvoq, oqarput, pinngortitarsuarlu timersornermut peqqinnartumillu inuunermut atorluaqqullugit kaammattuutigalugu.

Takornarianik angalatitsisartoq Wogac naapertorlugu Kangerlussuarmiit Sisimiunut aqqutaa 170 kilometerinik isorartussuseqarpoq. 

Politikerit Siumumeersut marluk ulluni tallimani ingerlaarniarput. Unnummulli Kangerlussuarmi naapinneqarsinnaariissapput innuttaasunik ataatsimiititsissagamik. 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER