Skip to main content

Erfalasulerneq kransertaliinerlu

Qullissat ukiut 40't matuma siorna matuneqarnerat tallimanngornermi katersortarfiup silataani erfalatsernermik malunnartinneqarpoq

Kalaallit Nunaannit sumit tamanit takkussuullutik aamaruutissarsiorfiup Qullissat ukiut 40't matuma siorna matuneqarnerata malunnartinneqarneranut peqataajartortut tallimanngornermi iterfigaat pujoq anori, aasaanerani naapeqatigiinnerup ammaanersiorneqarfissaa. Qiianarpoq kajumernarpallaaranilu taamaakkaluartoq inuit makiterput illunit tupernillu aniapput  katersortarfiup eqqaani erfalasuliinermut peqataajartorlutik. 

Erfalasoq amuneqarpoq erinarsortoqarlunilu. Erinarsoqatigiit Qeqertaneersut kalaallisoorlutik kusanaqisunik erinnat marluk atorpaat kingorna Qullissat Ikinngutaanit oqalugiartoqarpoq, ukioq manna aasarsioqatigiinnermi qulequtaq oqaluuseralugu ingerlariaqqinnissamut piffissanngornerarlugu. 

- Piffissanngorpoq ingerlariaqqinnissaq Qullissat matuneqannginnerani inuuneq pilluarfiusoq eqqaamasaralugu. Pinngitsalisaalluni nuutitaasimanermik anniaat illoqarfimmik inuinillu maqaasineq inuunitsinnik aqutsisuujunnaartariaqarput illuatungaani inuunerup nuannersortai aamma Qullissanit inuunermik nuannersumik pissarsiagut isiginiartariaqarpavut. 

Erfalsoq amuneqareermat, oqalugiarnerit erinarsornerillu pereermata katersortarfimmi piumasunut ullaakkorsioqatigiittoqarpoq. 

 

Kransertaliineq tussunngunartoq

Tallimanngornermi Qullissaniittut amerlanerpaat iliveqarfimmi kransertaliinermut peqataapput amerlanerit tamaani iliviiteqaramik.

Nal. 13 aallartillutik katersortarfimmit iliveqarfiup tungaanut ingerlaaqatigiittoqarpoq taanna qatsissumi narsaamanertamiippoq. Ilerrit amerlanerpaat sanningasortaarussimapput kikkut sumi iliveqarnersut takujuminaassisimalluni. Tamanna pissutigerpiarlugu Qullissat Ikinngutai ujarattaliisimapput taanna ukiut tamaasa naasortalerneqartarluni. Ukioq manna naalakkersuisut siulittaasuat Kuupik Kleist kransertaliisuuvoq.

Atuaruk Kuupik Kleistip Aviâja angerfigeqatigaa

Tussiutit pingasut atorneqarput peqataasunut sakkortulluni tussunngunarlunilu, tamakkumi angajoqqaavi, qatanngutaat ilaqutaallu allat tamaani iliviiteqarput. 

Eqqaassutissap eqqaani kransertaliisoqareermat tussiartoqareermallu inuit avissaartuupput iliviititik ornigarlugit allat aternik sanningasuni sinnerussimasuni ujaasillutik. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER