Skip to main content

Narsami aasarissuarmi tusakkat nutaat

Narsami aasaq manna pisseqattaarfiit kisimik pineqassanngillat. Ukioq manna siuaasat kalaallillu kulturitoqaat isiginiarneqassapput

Narsami aasarsioqatigiinneq ukiut tamaasa juulip aallartinnerani aaqqissuunneqatalerpoq illoqarfiup meerartai aasaanerani sammisassanik assigiinngitsunik neqeroorfigineqartarlutik.  

Pisittaartarfiit nuannarineqarluartut A21'llu pinnguarnermut atortuuterpassui atorneqarluarput. Kisianni ukioq manna siuaat kalaallillu kulturitoqaat sammineqassapput Qajuuttaq ilinniartitsissutigineqarneratigut, taanna piniartorsuuvoq Tunulliarfimmi Narsap Narsarsuullu akornanni najugalik. 

Piniartorsuaq Qajuuttamik atilik kuisimanngilaq marlunnik nulialik qulinillu meeralik. Ukiut 1700'kkut naajartornerani inuuvoq 1800'kkunni toqulluni. 

Iluata eqqaani Illunnguani ukiisarpoq maannakkullu Narsarsuup eqqaani aasiveqarluni. Anders Olsenip ernera Johannes Andersen ikinngutigaa taanna ujarassiuup Gieseckep ullorsiuummini eqqartorpaa. 

Ukioq 1777 hollandimiut arfaniat annappai, taakkua qeqertannguami nikeriarfissaarussimapput umiarsuarmik sikorsuarnit nikeriarfissaarutsinneqarata kingorna. Ukiukkut najugaqarfigaat aasaqqimmalli Europamut aqqutissarsipput. 

Aasarsiorfik Kommune Kujallermit aningaasalersugaavoq suliassallu Narsami pinaveersaartitsinermik siunnersortimit Bolethe Stenskovimit aaqqissuunneqarput. 

Sapaammi juulip arfineq-aappaanni naggataarnersiortoqassaaq ilaatigut meeqqat kiinnamikkut qalipatsiffigisinnaasaat. 

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER