Skip to main content

Aanaq akisinnaaq

Nuummi politiit sapaatip akunnerata naanerani ulapaarput ilaatigut arnaq 70'nik ukiulik sakkortuuliortoq tigusaraat

Nuummi politiit sapaatip akunnerata naanerani suliassaaleqinngeqaat, aningaasarsisoqarnikuusoq inuillu amerlaqisut aqqusinerniinnerisa nalaanni. Brugsenip, illoqarfiup qeqqani Pisiffiup saavani aamma Nuussuup Pisiffianit inuit aqqanillit aalakoorpallaartut imaluunniit imigassartortut illuartittariaqarsimavaat. Tamanna politiit tallimanngornermi arfininngornermilu aqqusinerni ersarillutik suliniuteqarnerannut attuumassuteqarpoq.

Ilaatigut arnaq 70'inik ukiulik arfininngornermi ullup qeqqata siorna tigusaavoq. Taanna aqqusinermi perulluliorsimasutut unnerluunneqassaaq. Tassunga atatillugu politiit inunnik arlalinnik peersitsineranik kinguneqarpoq, tamakku Nuussuarmi Kalaaliaqqap eqqaani erngutileraluarmata. Peersinneqarnermut atatillugu arnaq politiinut sakkortusaarnialerpoq sumiiffimmilu eqqissiviilliortitseqaluni. Tigusarineqarpoq isertitsisarfimmi silattorserneqarluni.  

Angut 28'nik ukiulik imigassartorsimalluni biilersimasutut unnerluutigineqarpoq. Arfininngornermi ullaakkut tallimanngoriartortoq angut 28'nik ukiulik biili attartortittagaq umiatsiaaqqat talittarfiata eqqaani aqussinnaajunnaarpaa umiatsiarlu nunami qaqissimasoq aporujussuarlugu. Angut tigusarineqarpoq unnerluunneqarlunilu, aaversippoq taassumalu imigassamik akua misissugassanngortinneqarluni.

Angut 59'inik ukiulik tarnimigut napparsimasoq niviarsiaqqamut 14'nik ukiulimmut persuttaanertut eqqaanartumik iliuuseqarsimanera pissutigalugu tigusarineqarpoq. Arfininngornermi ullup qeqqata siorna blok 7'imi arnamit politiit nalunaarfigineqarput, eqqaminni takusimallugu angutip arnaq inuusuttoq iniminut ikiorlugu eqqukkaa. Politiit inimut takkummata nivarsiaraq angullu naammattoorneqarput. Qularutissaanngilaq atoqatigiinnermik pisoqarsimasoq, angut tigusarineqarpoq niviarsiararlu nakorsanit misissorneqarnermi kingorna angerlaanneqarpoq. Angut 59'inik ukiulik sapaatit akunnerini sisamani tigummineqarallartussanngortinneqarpoq. 

Nukappiaqqat marluk 14'inik ukiullit inissiami tillinniarsimanerat aamma dankortimik atornerluisimanerat pissutigalugit tigusarineqarput. 

Arfininngornermi unnuap qeqqata missaanni taxanik ingerlatitsisup nalunaarutigaa nukappiaqqat pingasut ingerlassimallugit dankortimik allap pianik akiliiniarsimagaluartut. Sivitsunngitsoq nukappiaqqat marluk illoqarfiup qeqqani tigusarineqarput taxanik ingerlatsitsisup ilisarnaataanik taaguereernerata kingorna. Piffissaq taanna sioqqullugu inissiamit tillinniarfigineqartumit tillitanik arlalinnik tigummiaqartut paasineqarput. Nukappiaqqat killisiorneqareernermik kingorna inunnik isumaginnittunut ingerlateqqinneqarput. 


Suliat katinneri:
Angerlarsimaffinni eqqissiviilliornerit 6 
Aalakoortunik suliat 19 
Aqqusinerni eqqissiviilliornerit 6 
Persuttaanerit 4 
Pinngitsaaliinermik nalunaarut 1 
Tillinniarnerit 2 
Imigassartorsimalluni aqqusinerni angallannermi ajutoorneq 1 
Politiit inatsisaannik unioqqutitsinerit 3 
Umiatsiamik ujaasineq 1 
Imerniartarfiit inatsisaannik unioqqutitsineq 1. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER