Skip to main content

Kalaallit triathlonimik Island Games 2013 peqataanissaat

Nuummit atletikkertartut marluk Island Games 2013, Triathlonimi peqataaffiginissaanut anngupput 

Christian Keldsen aamma Jens Bjerge Grønlands Triathlon Klubimeersut arfininngornermi takutippaat Island Games 2013 ingerlanneqalerpat triathlonimi peqataanissaminnut anngulluarsinnaallutik. Lauritz Heilmann, Elite Sport Greenlandimeersup neriuutigaa amerlanerit peqataanissaminnut anngussinnaassasut.

Grønlands Triathlon Klub arfininngornermi pisortatiguunngitsumik triathlonimik unammisitsipput paasiniarlugu Nunatsinni atletikkimik ingerlatsisoqartarnersoq Island Games'ini Bermudami juulip 13'iannit 19'annut 2013, peqataasoqarsinnaanersoq. Lauritz Heilmann, Elite Sport Greenlandimeersoq ilaatigut piffissanik atorneqartunik allattuisuuvoq.

Kalaallit Nunaanni Timersoqatigiit Kattuffiata piumasaqaatigaa peqataasussat Island Gamesini peqataasussat pitsaanerit qeqqanni inissisimasariaqartut, arfininngornermilu unamminerup erseqqissarpaa nunatsinni atletikkertartoqartoq anguniakkamik tassannga naammassinnissinnaasunik, Lauritz Heilmann tusagassiivinnut allappoq.

Unammissutigineqarput naluttarfimmi Malimmi 1.500 nalunneq, 43,1 km sikkilerneq aamma Nuup eqqaani 9,8 km arpanneq.

Isorartussutsit OL'mi atorneqartartoq ingerlanneqarput (1.500m nalunnguarneq/40 km sikkilerneq aamma 10 km arpanneq) taakkua aamma Island Gamesini ingerlanneqartarput. 

Atletikkertartut pingasut aallaqqaammut peqataapput marlulli unamminermik naammassinnillutik. 

Ajugaasoq tassaasoq Christian Keldsen atorlugit 2:18:46, Jens Bjerge normu 2'nngortoq atorlugit 2:25:07. Johan Lennert ajoraluartumik sikkilernerup nalaani taamaatiinnarpoq. Triathletertartut Malik Lynge Reiding, Stig Brahe Sørensen aamma Mikael Thinghuus tamarmik peqataasinnaanngillat taakkuli nunani allani unamminerni periarfissinneqarnissaat ujartorneqartoq, Lauritz Heilmann ilisimatitsivoq.

- Neriuutigaarput timersuut taanna nunatsinni isiginiarneqarnerulissasoq amerlanerit triathlonimikk aallussinissamik kajumissuseqaleqqullugit, timersuut taannarpiaq ukiualuit ingerlaneranni Nunatsinni soqutigineqariartormat. Timersuut kikkunnit tamanit aallunneqarsinnaavoq, sikkeleqaraanni, naluuseqarluni aamma arpaateqaraanni aallartittoqariaannaavoq. Nunatsinni triathlon aaqqissuussamik sungiusarneqarneq ajorpoq, kisianni naluttartut peqatigiiffiat nallorissunik sungiusaqatigiittartoqarpoq triathlonertartunut piukkunnartunik, soorlu arpattartut peqatigiiffiat Naape aaqqissuussamik sungiusaqatigiinnernik ingerlatsisartoq. Illoqarfimmi timigissartarfiit sikkimik tukkarsornermik aallussisarput aamma Nuummi aqquserngit pitsaasunik arpaffissaqartitsipput. Grønlands triathlon klub neriuppoq triathlon, aquathlon aamma duathlonimik unammisitsinerit amerlanerit aaqqissuussinnaassallugit, Lauritz Heilmann oqarpoq.

Kalaallit Nunaat siullermeerluni Island Games 1989 peqataaffigaa tamatuma kingorna unammisitsinerit tamaasa peqataaffigai ukiut aappaat allortarlugit ingerlanneqartartut. 2011'mi unammersuarneq Isle of Wight'imi ingerlanneqarpoq arsartartut, volleyball, badminton, bordtennis aamma atletik.    

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER