Skip to main content

Oles Varehus matuvoq

Kalaallit Nunaanni pisinniarfiit namminersortut pisoqaanersaata illutai tuniniarneqarput

Kalaallit Nunaanni inuussutissarsiornermi oqaluttuarisaanera arfininngornermi niuffanneq nal. 13.00 ilaneqarpoq, Oles Varehus Nuummiittoq matummat. Ukiuni 60 ½ Nuummi pisiniarfik ingerlareerluni matuvoq, taanna Kalaallit Nunaanni namminersortut pisinniarfiutaasa pisoqaanersaraat. 

Pisiniarfiup illutaasa illoqarfiup qeqqani inissisimalluaqisumiittut siunissaa suli nalunarpoq.  

- Illuutit suli tunineqanngillat illuutinilli tuniniaasartoq Magnus Agerskov tuniniaanermik ingerlatsinini nangeqqissavaa, pisortaq Søren Heide Nuuk Ugeavisimut oqarpoq. 

Pisiniarfik aamma inissisimaffia pillugu eqqarsaatersortoqarnikuuvoq maannakkummi Nuummi pisiniarfiisa inissisimarngi allanngoriartoqaat pingaartumik pisinniarfissuassap juulimi ammarnissaa sioqqullugu, taannami Iiminami illoqafiit pingaarnersaanni pisinniarfeqarfiit pingaarnersarilersussaammassuk.

Oles Varehus 1.413 kvadratmeterisut angissuseqartoq ukiarli Nuuk Ugeavis aqqutigalugu tuniniarneqalerpoq. Akia: 19.750.000 kroner.

Namminersortut pisinniarfiat siulleq
Oles Varehusip nalunaaqqutaq 13.00 matuneratigut nunatsinni inuussutissarsiorluni ingerlatsisut ilaasa oqaluttuassartaat aamma naammassivoq. Oles Varehus decembarip 17'ianni 1951 ammarpoq Kalaallit Nunaanni pisinniarfiit namminersortunit pigineqartut siullersaat, pisinniarfiillu iluatsitsilluarneranut pissutaarpiarpoq pisiassat KGH'p neqeroorutaannit allaanerunerat. 

Sanasoq Povl Th. Olesen, ulluinnarni Olemik taaguutilik kingorna Gamle Olenngortoq pisinniarfimmik ammaavoq, taamaattoq 1964'imi paniata Gitte ningaavanillu Poul Erik Bruun Jensenimit aqunneqalerpoq. 1968'imi pisortap Christian Sanderip, Herningimi Varehuset Sanderimeersup Nuummi pisinniarfik ingerlatilerpaa, taanna ukiuni tallimani erneranit ukuaanillu Poul aamma Lotte Sanderimit ingerlanneqalerpoq. Tamatuma kingorna pisinniarfik aappariinnit arlinnit ulluinnarni aqunneqartarpoq. 

Ullumikkut aktieselskabet Oles Varehus Grønland A/S, Christian Sandersip meeraanit sisamanit pigineqarpoq, ningaajusoq Søren Heide pisortatut inissisimasoq. Ilaqutariinni Sandersikkunni kinguaarit pingajuannit Oles Varehusimik ingerlatserusuttoqanngilaq taamaattumik arfininngorneq juunip 30'at Oles Varehus kingullermeerluni ammavoq.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER