Nunatta Isiginnaartitsisarfiata Qullisara takutippaa

Nunatta isiginnaartitsisarfiata aamaruutissarsiorfimmi Qullissani pisut nipitalersorpai

Isiginnaartitsisartoq Else Danielsen isiginnaagassiami Qullisara. Assi: Nunatta Isiginnaartitsisarfia Vajgat Orkester oqaluttuaq Qullissani nipitut iluarsartuuppaa. Assi: Grønlands Nationalteater Ukioq manna aatsitassarsiorfiup Qullissat matusaanerannit ukiut 40'nngornerat malunnartinneqassaaq. Assi: Grønlands Nationalteater

Kalaallit Nunaata Isiginnaartitsisarfiata aamaruutissarsiorfiup Qullisat oqaluttuassartaa nipitalersorlugulu oqaluttuareqqippaa. Illoqarfik Qeqertarsuarmi 1924 pilersinneqartoq 1972 matuneqarpoq inuerutsinneqarlunilu.

Tamanna sapaatip akunnerani aggersumi eqqaaniarneqassaaq Qullissarmiuusimasut illoqarfimmik matusaanera ukiunik 40'nngortorsiorlugu naapeqatigiinnerannut atatillugu. Ilaatigut Nunatta Isiginnaartitsisarfiata isiginnaagassiaq "Qullissara" takutissavaa, Makka Kleistip illoqarfimmi tassani inunngorlunilu alliartortup eqqaamasaanit imaqartoq.

- Isiginnaagassiami ataqatigiinneq, sorsukkusunneq, quianartut - tassa suut innuttaasunik ataqatigiilersitsisut tamaasa pigai, Makka Kleist oqarpoq.

Tallimanngornermi isiginnaagassiaq tusagassiortunut takutinneqarpoq, nipilersortartut sisamat aamma erinarsortartut marluk saqqummiussisoralugit. Taakkua saniatigut isiginnaartitsisartoq Else Danielsen isiginnaartitsivoq.

Powered by Labrador CMS