Skip to main content

- Fleischer sammisaqarfimmini nalissaqarsimanngilaq

Kalaallit Nunaata oqaluttuarisaaneranik ilisimasaqarnitsinnut Jørgen Fleischer pingaaruteqartorujussuusimavoq 

Pingaartumik soraarninngornermi kingorna toqoqqammersoq Jørgen Fleischeriugaluaq Kalaallit Nunaannut sunniuteqalerpoq. Tusagassiuinermi Sulisut Peqatigiiffianni siulittaasoq Mariia Simonsen taamatut isumaqarpoq.

Atuaruk "Tusaamasap qimappaatigut"

- Soraarninngornermi kingorna Fleischer qilersorsimannginnerulersimavoq piumasaminillu allassinnaanngorluni. Oqaluttuarisaanitsinnik ilisimanninnerput nukittorsarpaa, taamaasiorsinnaasarsimallunilu inuppalaartumik nuannarineqartumillu, Mariia Simonsen oqarpoq, erseqqissaallunilu 1950-ikkuunniit 1980-ikkunnut Kalaallit Nunaanni qanoq pisoqarneranik Fleischer aamma nalissaqanngitsunik paasisaqarfiusarsimasoq.

Oqaluttuarisaanermik takunnittoq
Jørgen Fleischer tusagassiortutut sulinermi ilarujussua aaqqissuisutut suliavoq, aammattaarli malunnaatilinnik pisoqartillugu allattaavilerluni najuuttarluni, Mariia Simonsen oqarpoq. Ilaatigut eqqaavaa Qaanaap eqqaani timmisartorsuup qaartartorsuarnik brintbombinik usilluni nakkarnerata kingorna saliinermut Jørgen Fleischer isiginnittuusimasoq.

Atuaruk "Jørgen Fleischer toquvoq"

- Sammisaqarfimmini nalissaqarsimanngilaq. Piffissami nutaajunerusumi tusagassiortut allat Jørgen Fleischerip sunniuteqarneranut sanilliussinnaanngillat, Mariia Simonsen oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER