Jørgen Fleischer toquvoq
Angut nunatsinni tusagassiuuteqarnikkut ataqqinarluartoq Jørgen Fleischer toquvoq. Ullumi 88-iliisussaagaluarpoq
Tusagassiortoq, oqallisissiortartoq, naalakkersuinermik allarpassuarnillu suliaqartoq Jørgen Fleischer pingasunngormat unnukkut Nuummi Sanami toquvoq.
Tamanna pivoq sivikitsumik napparsimareersoq.
Jørgen Fleischer ullumi 88-iliisussaagaluarpoq.
Sermitsiaq.AG-mi Jørgen Fleischerip allaasinera uani atuarsinnaavat. 85-iliineranut atatillugu allanneqarpoq.
Jørgen Fleischer ukiorpassuarni Atuagagdliutini aaqqissuisuuvoq aviisimillu Sermitsiamik tunngavileeqataalluni. Ukiut ingerlanerini inuiaqatigiinni oqallinnermik peqataajuartuuvoq.
Aamma arlalinnik atuakkiorsimavoq 2000-milu Nordisk Rådimiit atuakkiornermut nersornaasiuttakkamik tunineqartussatut innersuunneqarpoq.
Jørgen Fleischer piffissaq kingullerpaaq tikillugu Sermitsiaq.AG-mut isummersuutinik oqaaseqaatinillu allattarpoq.
Jørgen Fleischer 1924-mi Uummannap eqqaani nunaqarfimmi Ikerasammi inunngorpoq.