Naalakkersuisooqatigiinnik uppititseratarsinnaavoq

Demokraatit piumasaraat uranimut akuersaannginnermut apeqqut qinigaaffik manna isummerfigineqassasoq, uranimik piiaanissamik qinnuteqartoqarnissaa apeqqutaatinnagu. Naalakkersuisooqataasoq IA ammasumik oqallinnissamut avissaartuussimavoq

Ineqarnermut, attaveqarnermut angallannermullu naalakkersuisoq Jens B. Frederiksen. Foto: Leiff Josefsen

- Qoornumi isumaqatigiissut, IA-mik isumaqatigiissutigisimasarput, natsorsuutigilluinnarpara qinigaaffimmi matumani atuutilersinneqassasoq. Qinersinissamut suli ukiup ataaserpiaap missaa piffissaqarfigaarput. Sorpassuarnik pisoqarsinnaavoq. Demokraatilli allanngortinneqarsinnaanngitsumik piumasaraat akuersaannginnermut politikki qinigaaffiup matuma atuunnerani isummerfigineqassasoq. Isertuussaanngilaq Demokraatit kissaatigimmassuk maanna politikkiusup allanngortinneqarnissaa, uppernarsarneqarsinnaappat stoffinik radiop qinngornerinik ulorianartunik akulinnik piiaaneq peqqissutsikkut avatangiisinullu illersorneqarsinnaasoq.

Taamatut oqarpoq Demokraatit siulittaasuat Jens B. Frederiksen, akuersaannginnermut oqallinnermut nangeqqinneqartumut oqaaseqaatitut. Oqallinnerup takutippaa IA-mi politikkikkut tunuliaquttat partiillu siuttui isumaqatigiinngitsorujussuusut, akerlianik partiip siuttuisa qanimut suleqatigisartik Demokraatit isumaqatiginerullugit.

Allaaserisaq tamaat uani sapaatit akunnerani AG-mi atuaruk, uanilu pisiarisinnaavat

Powered by Labrador CMS