Skip to main content

Pingajussaanik ajugaaneq

Kalaallit Nunaat Pan Amikamiut assammik arsaallutik Argentinami pissartanngorniunneranni normu 5'inngorput

Kalaallit Nunaat arfininngornermi ualikkut Argentinami Buenos Airesimi assammik arsaannermi Pan Amerikamiut unammersuarneranni naggammeerluni unammivoq. Unammissutigineqarluni normu 5-6'inngorniunneq, Paraguay unammineqarluni. Unamminermik isiginnaarluni pikkunaappoq pissutigalugu Paraguay Kalaallit Nunaannit assersuunneqarsinnaanngimmat. 

Tamatuma saniatigut nunanut allanut sungiusaasoq periarfissinneqarpoq arsaattartut tamaasa atussallugit, inuusuttut ilaatigut arsartinneqarlutik taamaattumillu misilittakkinneqarlutik angerlamut nassarsinnaasaminnik. 

Aallaqqaammulli ersarippoq unamminissaq pissanganartuunavianngitsoq. Taamaattoqarnissaanut Paraguay piginnaanikippallaarpoq. Minutsit qulit qaangiuttut Kalaallit Nunaat 7-2'mik kinguaqqavoq. Minutsit 20't ingerlareermata 12-7 nikinnermi Kalaallit Nunaat 20-11'mik siuaqqalluni.  

Unamminerup immikkoortuata aappaani Niels Møller arsaattunik suli nikitsitseqattaarpoq, unamminerup immikkoortuata aappaa minutsinik qulinik sivisussuseqartoq Kalaallit Nunaannit isertitat arfineq-pingasunik amerlipput, Paraguay immikkoortumi tassani suli isertitsisimanngitsoq. Taamaalinerani isertitat 28-11. Minutsit 20 ingerlaqqimmata angusat 33-15. Unamminerup inerneraa 38-19.

Unammineq taanna Kalaallit Nunaata Pan Amerikamiut unammersuarneranni unammineraat kingulleq, normu 5'inngorluni inissiffiusoq tamatumalu nassataanik 2014'imi unammersuarnissamut peqataanissaq qulakkeerneqarpoq. 

 

Unamminermi kisitsisit:
Kalaallit Nunaat – Paraguay 38-19 (20-11)
Isertitsisut: Kalaallit Nunaat: Minik Dahl Høegh 7, Jesper Markfoged 6, Akutaaneq Kreutzmann aamma Malik Frederiksen tamarmik 4, Flent Ezekiassen aamma Miki Johnsen tamarmik 3, Angutimmarik Kreutzmann, Andreas Lorentzen, Miki A. Heilmann aamma Miilu Rosing tamarmik 2, Rasmus Larsen, Miki Duko Sørensen aamma Hans Karl Berthelsen tamarmik 1.

Paraguay: Jose Mendoza aamma José Mendoza tamarmik 5, Benjamin Benitez 3, Luis Diaz Ruiz 2 samt Sergio Lopez, Hugo Gonzales, Julio Ayala aamma Joel Miranda tamarmik 1.

Anisitaasut:
Kalaallit Nunaat: 2 X 2 minutsit. (Malik Frederiksen aamma Jesper Markfoged).
Paraguay: 3 X 2 minutsit. (Benjamin Benitex 2 X 2, aamma Hugo Gonzales).

Dommerit: Marina Carlos aamma Minore Dario, Argentina.
Isiginnaartut: 100

Minik Dahl Høegh isertitsinerpaaq
Sapaammi unamminerni qanorluunniit ingerlasoqassagaluarpat - ullormi finalerfimmi - qularutissaanngilaq unammersuarnermi isaatitsinerpaaq tassaasoq Minik Dahl Høegh. Taassuma unamminerni tallimani 49'riarluni isertitsivoq, isertitsinerpaap tullianit målinik 21'nik amerlanerit. Tullersortili ataaseriarluni unammeqqittussaavoq, 22'nilli isertitsinissaa qularnarluni, Minik Dahl Høegh qaangerniassaguniuk. Miki A. Heilmann finalip aqaguani isaatitsinerpaat sisamaattut inissisimavoq 22'riarluni isertitsinikuugami. 

Semifinalini marlunni Argentinap Uruguay 28-13'imik ajugaaffigaa, Brasiliap Chile 35-33'mik ajugaaffigigaa. Tamanna isumaqarpoq Argentina aamma Brasilia pissartanngorniutissasut, Chilep Uruguay naapikkuniuk taakkua normu 3'nngorniutissapput - normu 3'nngorneq taanna 2013'imi Spaniami VM'imut peqataanissamut qulakkeerisoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER