Skip to main content

Uranimik piiaanissaq Natomit isummerfigineqassaaq

Kuannersuarmi aatsitassarsiorfeqalernissaanik akuersinermi Nato qisuariartariaqarpoq, Per Stig Møller oqarpoq 

Nunatsinniit uran Australiamiunit Korea Kujallermi aningaasaliisut peqatigalugit aaneqartoq qanoq Natomit isummerfigineqassava? Apeqqut taanna piffissami qanittumi Natomi allattaanermut qallunaat ministeriunerusimasaanut Anders Fogh Rasmussenimut immikkut ittumik isummerfigissallugu nukingernarsisinnaavoq, Berlingske allappoq.

Tamanna Berlingske naapertorlugu pisinnaavoq aappaagumi Narsap eqqaani Kuannersuarni uranitalimmik aatsitassarsiornissaq akuerineqarsinnaavoq. 

Taamaattumillu Nato qisuariaateqartariaqarpoq: 

- Aatsitassamik atomimik atortussanik sananeqartussanik assersuutigalugu Iranimut tunisaqarnissaq pitsaasutut isumaqarfigissagunanngilarput. Nunap Natomi ilaasortap atomimik qaartartuliornissamut ikuunnissaa kissaatiginngilarput, taamaattumik tamanna Natomit suliassaavoq, qallunaat nunanut allanut ministererisimasaat maannakkullu nunarput pillugu oqaaseqartartoq Per Stig Møller aviisimut oqarpoq.

Nato suliamut isumannaallisaanermik politikkimut tunngasumut isummerusunngikkallarpoq. 

- Pisinnaasunut tunngavoq, oqaaseqartartoq Oana Lungescu Berlingskemut oqarpoq.

Naalakkersuisut siulittaasuat Kuupik Kleist inuutissarsiornermullu aatsitassanullu naalakkersuisoq Ove Karl Berthelsen piffissami kingullermi uranitalimmik aatsitassarsiornissamik apeqqummut qaninnerulersimapput.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER