Skip to main content

- Politikkerit innuttaasunik suusupaginnipput

Qaasuitsup Kommuniani kommunalbestyrelsip innuttaasut kissaataannik sumiginnaapput Aasiannit tutsiuppoq  

Politikki akimorlugu qinersisartut suleqatigiiffiannit Aasianniittut naammaginngilluinnarpaat Qaasuitsup Kommuniani kommunalbestyrelsemi amerlanerussuteqaqqalaartut qanittumi aalajangiummassuk avannaani kommuni marlunnut avinneqassanngitsoq.  

- Qaasuitsup Kommuniani kommunalbestyrelsimi politikkerit aqqaniliusut aammaarlutik takuteqqippaat innuttaasut kissaataannik suusupaginninnertik, misissuinermimmi inernerup erseqqissup takutimmagu innuttaasut kommunip avinneqarnissaanik kissaateqartut, E. Østergaard Madsenm Aasianni politikki akimorlugu qinersisartut suleqatigiiffiannit nalunaarpoq.  

- Politikkerit innuttaasut taasisitik sinnerlugit sulinngillat, tusarfik ingerlaqqippoq.

Amerlanerussuteqartut aqqanillit kommunalbestyrelsimi ikinnerussuteqartut qulingiluat ajugaaffigalugit kommunip avinneqarnissaa itigartitsissutigaat. 

Qinersisartoqatigiit nalinginnaasumik isumaqarput kommunalbestyrelsimi amerlanerussuteqartut politikkerit allat oqaasiinik tusaanianngippallaartut aamma kommunimi oqartussaaqataaneq annikippallaartoq. 

Taamaattumik qinersisartoqatigiinnit kommunalbestyrelsi issiasoq tatigineeruppoq, qinersisartoqatigiit oqarput taakkua kajumissaarutigaat kommunerujussuup illoqarfiini allani nunaqarfiinilu tullianik qinersinissamut "innuttaasunik sullisserusuttunik" sassartitsisoqassasut - aamma Qaasuitsup Kommuniata avinneqarnissaanik kissaateqartunik.  

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER