Nuummi imigassartorsimalluni biilertup inuit pingasut eqqorpai
Nuummi Qapiarfiusaami aqqusinermi angallannermi ajutoornermi inuit pingasut eqqorneqarput. Biilertoq imigassartorsimasoq qimaavoq
Sapaammi unnukkut Nuummi Qapiarfiusaami aqqusinermi angallannermi ajutoortoqarmat inuk ataaseq akornuserujussuarpoq. Allat marluk annerusumik ajoqqusinngillat.
Ajutoorneq Qapiarfiusaami Kamiup eqqaani pivoq politiillu anngummata biilimik ajutoortumik ingerlatitsisoq qimaasimavoq naak inuit pingasut akornuserlugit.
Sanamut unitsinneqarpoq
Biilimik ingerlatitsisoq ajutoornerup kingorna nal. ak. affaata missaa qaangiuttoq tigusarineqarpoq biilimik aallarussisimasutut, imigassartorsimalluni biilimik ingerlatsisimasutut, biilimik ingerlatsinissamut allagartamik nutartersimasumik peqanngitsutut aammalu ajutoorfiusumi ikiueqqaarnermik ingerlatsisimannginnini taamatullu ajutoorfimmi iliuuserisassanik isumaginnissimannginni pillugit unnerluunneqassalluni.
Aportilluni aqqunartoq Dronning Ingridip napparsimavissuarnut innartinneqarpoq.
Sermitsiaq.AG'p pisumik isiginnittua naapertorlugu ajutoorneq pivoq Danmarkip Tysklandimit ajorsartinneqarluni EM'imit peersitaanerata kingunitsiaa.