Ujaqqanik sisoorfigitinnerup kingorna angut Danmarkiliaanneqartariaqartoq

Angut utoqqasaaq sapaatip akunnerata naanerani Sermitsiap kujammut nuuani ujaqqanik sisoorfigitippoq.

Taamak Nuummi politiit ilisimatitsipput, arfininngornermi nal. 22.15 ajunaarnermik nalunaarfigineqartut.

Taamak pisoqarnerata kingorna qatserisartut, peqqinnissaqarfik aamma politiit qatserisartut sukkasuuliaannut ilaallutik ikiuiartorput.

Tamatuma kingorna annersimasoq aqqunarsimasut passunneqartarfianni ikiorneqarpoq kingornalu Rigshospitalimut timmisartuunneqarluni.

Nuummi politiit naapertorlugit aqqunartumik Danmarkiliartitsisariaqarneq pissuteqarpoq angutip qitia napisimagunarmat taamatullu kuutsia niuanilu saarngit arlallit napisimallutik.