Skip to main content

Odensemi inuiattut ullorsiornissamut piareersimapput

Kalaallit Illuutaat Odensemi ukioq manna juunip 21'anni inuiattut ullorsiornissamik aaqqissuussissaaq 

Odensemi Kalaallit Nunaata inuiattut ullorsiornera juunip 21'anni persuarsiorfiussaaq.

Pisarneq naapertorlugu Kalaallit Illuutaata saavani erfalasut amuneqassapput tamatuma kingorna makkunannga pisoqassaaq:

09.30  erfalasunik amusineq erinarsornerlu.
10.00  brunch.
11.30 Odense Rådhusip tungaanut angalaaqatigiinneq.
12.00 Odense Rådhusimi ilassineqarneq. Viceborgmester Brian Dybro aamma ukioq manna oqalugiartussatut qaaqqusaq Rasmus Bjørgmose oqalugiassapput.
14.00 Titartakkat Nuka Godtfredsenip saqqummersitsineranik ammaanersiorneq.
14.30 kaffemik, qitik nipilersortoralugit Christian Søegaards Trio.
16.00 peqatigiiffik Umiaq aaqqissuussinermik nangitsissaaq.

Rasmut Bjørgmose peqatigiiffimmut Umiamut siulersuisutut ukioq manna oqalugiartuussaaq, peqatigiiffik ukiut 40t atuussimavoq. 79'inik ukiulik Rasmus Bjørgmose Saqqamut pivoq 1955, qallunaat ilinniartitsisuattut nunaqarfimmut pisut siullersaattut ukiuni arfinilinni nunatsinniippoq. Rasmus Bjørgmose taamani kalaallisut oqaluttalerpoq suli atorluarsinnaallugit, ukioq manna oqalugiaatissani kalaallisut allappaa kalaallisut saqqummiutissallugu danskisulli aamma oqaatigissallugu.

- Meeqqat danskisut ilikkarsinnaappata uanga aamma kalaallisut ilikkarsinnaasaanga, taamaattumik oqaluttuanik paarlakaajaattarpugut, Rasmus Bjørgmose Sermitsiaq.AGimut oqaluttuarpoq.

Rasmus Bjørgmose, ilinniannguaq, kalaallisut oqaasilerinermik aperisariaannaavoq nassuiaatissaqaqalunilu. 

Assammik arsartartoq sungiusaasorlu Jakob Larsen, Odensemi Det nordatlantiske Husimi siulersuisunut ilaasoq aamma oqalugiartussaagaluarpoq. Piffissarli kingullerpiaq atorlugu Panamerikamiut Argentinami pissartanngorniunneranni peqataanissani pissutigalugu oqalugiarsinnaajunnaarmat odensermiut Jakob Larsen piffissaq alla tusarnaaginnarumaarpaat. 

Pisarneq naapertorlugu erinarsoqatigiit Umiaq inuiattut ullorsiornissatsinni ulapissapput. Erinarsoqatigiit arlaleriarlutik ullormi tassani appittussaajumaarput. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER