Angutip dronningip niaqorutaasaanik kuultimik sanasup, kuultinik saffiuup Nicolai Appelip, Foreningen Grønlandske Børn peqatigalugu kuultiinnavimmik pinnersaasiaq saqqummersippaa, pigisatsinnut kusanarnerpaanut asanninnermik takutitsisoq: Qitornatsinnut - kuulteeraatitsinnut.

Taamaattumik immikkut illuinnartutut Kalaallit Nunaata kuultisiorfianit siullermit kuultimik pinnersaasiaq pisiarineqarsinnaalerpoq.

Aamma atuaruk "Kunngeqarfiup erlinnartuusivianut naasunik pinnersaasiat"

Aamma takukkit "Assit: Niaqorutaasaq kusanarluinnartoq kuultimik sanaaq dronningimut"

Guldklumpi sananeqarsimavoq Kujataani kuultisiorfimmit Nalunamit kuultimik 20 karat-inngorlugu.

- "Kuulteeraatigaakkit meeqqani ilisimasanni kusanarnerpaaq, taamaattumik kalaallit kuultimerngat una pissavat". Meeqqap kialuunniit oqaatsit atorfissaqartippai, immikkut ittutut misigisimanissaminut", Nicolai Appel oqarpoq.

Kuultimik pinnersaasiaq marlunnik angissuseqarpoq, aappaa 499 koruuninik aappaalu 999 koruuninik akillit. Taakkua tuniniarneqarput webshoppen-imi aamma Air Greenlandip timmisartuani.

Tuninerani akiata 50 procentia Foreningen Grønlandske Børn-ip Kalaallit Nunaanni meeqqanik atugarliortunik sulineranut tunniunneqassaaq.

Foreningen Grønlandske Børn 1924-imiilli pilersinneqarsimavoq dronning Margrethelu illersuisoraa.