Mary sutornersoq takuuk
Mary tikeraarnermini sutornersoq takuuk. Nerersuarnermi nammineq saarullittamik aamma nerivoq
Kunngissap nulia Mary kalaallit nerisassiaanik nerinissaminut periarfissaqarluarpoq ulluni sisamani Ilulissani tikeraarnermini naammasseqqammersumi.
Hotel Arcticimi ippassaq unnikkut ilaatigut umimmattorpoq. Kisiani kunngissap nuliata nerersuarnermi sassaalliutigineqartut ilaat nammineq pisarai, taakkulu Hotel Arcticimi igallammaap Jeppe Ejvind Nielsenip nerisassiarai, ualeq taanna Kangiani Maryp saarulliit marluk pisaavinit siuleqqiusiorami mamarluinnartunik.
Læs også "Mine børn skal med næste gang"
Læs også "Morer sig kongeligt"
Læs også "Mary: Jeg vil hilse på alle"
Tamanna immikkut qaaqqusat ilaasa oqaluttuaraat, qaaqqusisuuvorlu borgmesteriat Jess Svane.
- Maryp saarullitaa mamarluinnarpoq, oqarput.
Aaku nerisaat:
Qilanaartuut: Uillut geleqarlutik qapullit. Taava kissavaasat tarajulaarlugit sukkulikkat aspargesinik qaqortunik salatilerlugit, malt sponge aamma hvid trøffel-skum.
Kissartut: Umimmaap neqqarinnera uuliamut qalataq, souflé uanitsulik, ærtalik, blomkålspuré pujuugaq, naatsiiat nutaat miserarlu bearnaise oqitsoq.
Kinguleqqiutit: Kuanniisat, lakrids aamma sukkulaat qaqortoq.
Læs også "Læs også "Nu bliver jeg nødt til at løbe, børn"
Læs også "Vi har ventet på dig Mary"
Læs også "Flådens friske fyre hjælper Mary"
Kunngiaap nuliata maannakkut nunatsinnit aallarpoq unnugu Danmarkimut pissalluni.