Skip to main content

Alutornaq: Venusip seqinermut aqqusaarnera takoqqiguk

Silaannarsuarmi pisartut nalinginnaanngitsut ilaat marlunngornermi unnukkut Nuummi ilaatigut isiginnaarneqarsinnaavoq. Assit ilaat takukkit

Naatsorsuutigineqartutut Venusip seqineq sinerlugu aqqusaarnissaa marlunngornermi nal. 201.15 aallartippoq, ulloriarsuup Venusip tarraa arriitsorsuarmik seqinermi saamiata tungaanit ammut talerpiata tungaanut ingerlaarujoorpoq.

Qeqqata missaanut pisorlu isigisaq putsumik assersorneqalerpoq kusanarluinnartumilli neriusaaliorluni.

Taama oqaluttuarpoq Toke Brødsgaard, Nuuk marlunngornermi unnukkut silaannarsuarmi pisumik alutornartumik malinnaasimasoq.

Venusip seqinermik "attuisarnera" taaneqartarpoq Venusip aqqusaarnera.

- Sukkasoorujussuarmik putsernera pissutigalugu assiliivima seqinermut illersuutitai peerpakka, filterertaqanngitsumik assiliisinnaalerlunga. Taamaaliornikkut pitsassuarnik seqerngup qalipaativianik assiliisinnaalerlunga. 

- Taakkua tassa assilisama kingullersaat putserami sumik ersittuerukkami seqinerlu takuneqarsinnaajunnaavilluni, Toke Brødsgaard oqaluttuarpoq.

Wikipedia naapertorlugu Venusip aqqusaartarnera silaannarsuarmi pisartut alutornartut ilagaat, oqaluttuarisaanermi sumiiffinni assigiinngitsuni takuneqarsimatilluni  silaannarsuarmi ungasissutitsinut naatsorsuinermi atorneqartarsimasoq. Kingullermik juunip arfineq-aappaani 2004 taamak pisoqarpoq, Danmarkimiillu isiginnaarneqarsinnaalluni. Taamak pisoqartarpoq ulloriarsuup Venusip Nunarsuarminngaanniit isigalugu seqinikkut toorneerannguatut isikkoqarluni aqqusaartillugu. Aqqusaarneq taanna nal. ak. arfinilinnik sivisusseqartarpoq. Ukiut 343 ingerlaneranni piffissani assigiinngitsuni ulloriarsuup seqineq "aqqusaartarpaa". Aqqusaarnerit marluk ukiut arfineq-pingasut ingerlaneranni pisarput ukiullu 121,5 aamma 105,5 qaangiukkaangata ukiut arfineq-pingasukkaarlugit aqqusaaqqittarluni.  

Tulliani Venusi aqqusaaqqissaaq decembarip aqqarngani 2117 - taamanikkussaru uagutsinnit takuneqarnissaa ila qularnaqaaq. 

Ukiut uani takukkit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER