Skip to main content

Frederik assilisaminik angerlaassiffigissavaa

Mary assiliisaqattaarluni ingerlaannaq aallartippoq. Meeqqat qinngasaartittartut pillugit suliniutini angisuut pillugit nersualaarneqarpoq

Takornariat nalinginnaat kisimik issittumi pinngortitarsuarmik isiginnaaleraangamik assiliisaqattaarneq ajorput. 

Kunngissap nulia Mary ataasinngornermi Ilulissanut tikilaaginnarluni erniinnaq assiliivini qaqikatareerpaa. 

Hotel Arcticip neriniartarfiani ullup qeqqasioreernerup kingorna - hotellimi najugallit allat assigalugit - Mary aneerasaartarfimmit seqinnareqigaa Kangerlummut isikkivimmut anillatsinneqarpoq.

Maannakkorpiaq Mary nammineerluni Ilulissat eqqaanni angalaarpoq qularnanngitsumik tamaani assiliivik aamma arlaleriarlugu atussallugu.  

Kalaallit Nunaannut angalanermi Red Barnetimi generalsektretæri Mimi Jakobsen angalaaqataasup kunngissap nuliata suliaa Qinngasaarinata - Kammagiitta  nersualaarneqartorujussuuvoq.

Suliniut septembarimi 2011 aallartinneqartoq maannakkut nunatsinni atuarfinni meeqqerivinnilu ingerlanneqaleruttorpoq. Mary Fonden, Red Barnet, Kanukoka, naalakkersuisut aamma Lego Fonden suliniummik ingerlatsipput.

- Amerlasuut isumaqarput Mary saqqumilaartitsiniarluni iluaqqutiginiarneqaannartoq. Tamanna puigorluinnartariaqarpoq. Eqqortoq tassa, suliamik ilungersorluni ingerlatseqataammat piareersarnitsinni sunnguit tamaasa peqataaffiginiartarlugit, Mimi Jakobsen oqarpoq.

Taanna aamma ilisimatitsivoq Red Barnet Danmark tunngaviatigut suliamit qimatsereermat.

Maannakkut immikkoortortaqarfiit namminneq ingerlatsipput paasisinnaasakka naapertorlugit ajunngitsorujussuarmik. Qinngasaarisarneq ajortuliorneruvoq neriuppungalu tamanna akiorniarlugu siunissami pitsaasumik angusaqartoqassasoq, taanna oqarpoq.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER